1Babiloniaman prësu apayämanqan ishkay chunka pitsqa (25) wataman aywaykaptinnam punta kaq killa chunka junaqchö Tayta Dios poderninwan illaqpita Israelman apaskamarqan. Jerusalénta Babilonia runakuna juchutsiyanqanpita chunka chusku watanam päsashqa karqan.
2Israel nacionman revelacionchö chätsimarmi altunnin jirkaman Tayta Dios churamarqan. Tsaypita sur kaq lädupa rikachakurmi rikarqä markanörä atska wayikuna kaykaqta.Apoc. 21.10.
3Tsayman chätsimaptinmi broncipita rurashqa runa niraqta rikarqä. Lïnupita rurashqa cordelnin y midikuna väran aptashqamApoc. 11.1; 21.15. punku lädunchö ichiraykarqan.
4Tsay runam nimarqan: <
5Tsaymi templu1Rey. 6; 2Crón. 3. patiuta tumaypa murälla kaykaqta rikarqä. Tsay runa midinanpä aptaraykanqan väranqa kimsa metrum karqan. Tsaywan murällapa anchunta midiptinmi kimsa metru karqan. Altunta midiptinmi kimsa metru karqan.
6Tsaypitanam aywarqan rupay yarqamunan lädu murälla punkumanna. Punkuman yaykuna grädapa yarkuskirmi pirqapa anchunta midirqan. Midiptinmi kimsa metru karqan.
7-10Punkupa yaykuskirmi cada läduchö kimsa cuartukunata rikarqä. Llapanpis tsay cuartukuna kimsa metru anchu y kimsa metru largum karqan. Cuartukunata rakiq pirqapa anchunmi ishkay metru pullan karqan. Tsay joqta cuartukunata päsaskiptinmi jatun cuartu kaykarqan. Tsay cuartupa anchunmi chusku metru karqan. Tsay cuartupita templuman yaykunanchömi juk metru anchu pirqa karqan. Taksha cuartukunapita jatun cuartuman rakiq pirqapa anchunmi kimsa metru karqan.
11Punkupa anchunmi joqta metru pullan karqan. Punku yaykuna pirqata midiptinnam anchun pitsqa metru karqan.
12Cada taksha cuartu yaykunachömi pullan metru altu pirqa karqan. Cuartukunapa anchunpis largunpis kimsa metrum karqan.
13Juk cuartupa ruri kuchunpita frentin kaq cuartupa ruri kuchunyaq midiptinmi chunka ishkay metru pullan karqan.
14Jatun cuartupa y wakin cuartukunapa anchunta entërupa midiptinmi joqta chunka metru karqan.
15Yaykuna punkupita ruri kaq punkuyaq pasadïsuta midiptinmi ishkay chunka pitsqa metru largun karqan.
16Cada taksha cuartukunapis ventänayuqmi karqan. Ruripanam rëjakuna karqan. Tsaynöllam jatun cuartupapis ventänankuna karqan. Rakiq pirqankunachönam dibujashqa palmërakuna karqan.
Jatun kaq patiu17Tsaypitanam tsay runa pushamarqan jatun kaq patiuman. Tsaychömi patiu lädun kaqpa rikarqä kimsa chunka (30) cuartukunata. Tsay patiuqa läja rumikunawanmi kuchu kuchu empedrashqa karqan.
18Altar kanqan patiupita mas jawachömi karqan. Anchunmi ishkay chunka pitsqa (25) metru karqan.
19Yaykuna punkupa frentinchömi juk punkupis karqan. Tsay punkuyaq midiptinmi pitsqa chunka (50) metru karqan. Tsaynömi karqan rupay yarqamunan kaq lädu punkuchö. Tsaypitanam rikarqä norti kaq lädu punku imanö kanqantapis.
Norti läduchö patiu punku20Norti lädupapis patiuman yaykuna punku karqanmi. Tsay punkutapis largunta y anchuntam midirqan.
21Pasadïsupa cada lädunchömi kimsa cuartukuna karqan. Rupay yarqamunan lädupa kaykaq punkuchönöllam cuartukunata rakiq pirqa y jatun kaq cuartupis karqan. Midiptin largun karqan ishkay chunka pitsqa (25) metru y anchunnam karqan chunka ishkay metru pullan.
22Jatun cuartupis, ventänakunapis, palmëra dibüjunkunapis rupay yarqamunan kaq lädu punkuchö kaykanqannöllam karqan. Tsayman yaykunanpäpis qanchis grädakunam karqan. Tsaychöpis patiu kaq lädunpam jatun cuartu karqan.
23Rupay yarqamunan kaq lädu punkupa frentinchö kaykanqannömi norti kaq lädu punku frentinchöpis ruri kaq patiuman yaykunapä juk punku kaykarqan. Tsay punkuyaq midiptinmi pitsqa chunka (50) metru karqan.
Sur läduchö patiu punku24Tsaypitanam sur läduchö punkuman pushamarqan. Llapanta midiptinmi wakin kaq punkukunanölla karqan.
25Cuartunkunapa ventänankunapis wakin kaqpanöllam karqan. Largunta midiptinmi pitsqa chunka (50) metru karqan. Anchunta midiptinnam chunka ishkay metru pullan karqan.
26Witsänanpäpis qanchis grädakunam karqan. Jatun cuartupis patiu lädupam karqan. Rakiq pirqankunachöpis ishkan läduchömi palmërakuna dibujashqa karqan.
27Sur läduchö kaykaq punku yaykunapa frentinchöpis ruri kaq patiuman yaykuyänanpä punku karqanmi. Juk punkupita jukaq punkuyaq midiptinmi pitsqa chunka (50) metru karqan.
Ruri kaq patiuman yaykuna punkukuna28Tsaypitam pushamarqan ruri kaq patiuman yaykuna juk punkuman. Tsay punkuqa sur läduchömi karqan. Tsay punkuta midiptinmi wakin kaq punkukuna tamäñulla karqan.
29Taksha cuartunkunapis, rakiq pirqakunapis y jatun cuartu alarpis wakin punkukunachö kaykaq tamäñullam karqan. Ventänankunapis sawan lädupam karqan. Midiptinmi ishkay chunka pitsqa (25) metru largun karqan y anchunnam chunka ishkay metru pullan.
30Lädunkunachö cuartukunata midiptinmi largun karqan chunka ishkay metru pullan y anchunnam ishkay metru pullan.
31Cuartukunata rakiq pirqankunachöpis palmërakunam dibujashqa karqan. Yarkukuyänan grädankunapis puwaqmi karqan. Punkuqa ura kaq patiumanmi rikakarqan.
32Tsaypitam rupay yarqamunan kaq lädu ruri kaq patiu punkuman pushamarqan. Tsaychö midiptinmi wakin kaq punku tamäñulla karqan.
33Taksha cuartunkuna, rakiq pirqankuna y jatun cuartupis tsay tamäñullam karqan. Patiu lädupam ventänankunapis karqan. Midiptinmi largun ishkay chunka pitsqa (25) metru karqan. Anchunnam chunka ishkay metru pullan karqan.
34Rakiq pirqankunachöpis palmërakunam dibujashqa karqan. Yarkukuyänan grädankunapis puwaqmi karqan. Punku yaykunaqa ura kaq patiumanmi rikakarqan.
35Tsaypitanam pushamarqan norti lädu punkuman. Tsay punkuta midiptinmi wakin kaq tamäñulla karqan.
36Taksha cuartunkuna, rakiq pirqankuna, jatun cuartu y llapan ventänankunapis tsay tamäñullam karqan. Midiptinmi ishkay chunka pitsqa (25) metru largun karqan. Anchunnam chunka ishkay metru pullan karqan.
37Cuartukunata rakiq pirqankunachöpis palmërakunam dibujashqa karqan. Witsäkuyänan grädankunapis puwaqmi karqan. Punku yaykunaqa ura kaq patiumanmi rikakarqan.
Ashmakunata pishtayänanpä kaq cuartu38Tsay punku yaykunachömi juk cuartu karqan. Tsaychömi sacrificiupä apayämunqan ashmakunata pishtaskir mayllayaq.
39Tsay cuartuchö pishtapakuyänanpämi jukaq lädunchö ishkay y jukaq läduchö ishkay mësakuna karqan. Tsaychömi pishtayaq rupatsina sacrificiupä, purificatsina sacrificiupä y consagratsina sacrificiupäpis.
40Tsay cuartu waqtanchöpis norti kaq lädu punkuman gräda witsaq lädunchömi ishkay mësakuna karqan. Tsaynöllam jukaq läduchöpis ishkay mësakuna karqan.
41Tsaymi ruri cuartuchö chusku mësakuna y waqta punku lädunchö chusku mësakuna karqan. Llapan mësakuna puwaqmi karqan. Tsay mësakuna jananchömi sacrificiupä ashmakunata pishtayaq.
42Pishtapakuyänan manëjukunata churakuyänanpä chusku mësakunam rumipita karqan. Tsay mësakunapa largunpis y anchunpis qanchis chunka pitsqa (75) centïmetrum karqan. Altunnam pullan metru karqan.
43Cuartupa ruri pirqankunachömi ganchunkuna cuarta masllan jiruruypa jatiräyarqan. Mësakunachönam pishtayanqan ashmakunapa aytsan churaraykarqan.
Sacerdötikunapä cuartukuna44Ruri kaq patiuchömi ishkay cuartukuna karqan. Juk cuartum norti kaq lädu punku lädunchö karqan. Tsay cuartupa punkunmi sur kaq lädupa karqan. Jukaq cuartunam sur kaq lädu punku lädunchö karqan. Tsay cuartupa punkunnam norti kaq lädupa karqan.
45Pushamaq runam nimarqan: < 46Norti kaq läduman punkuyuq cuartunam altarchö aruq sacerdötikunapä kaykan. Tsay sacerdötikunam Sadocpita miraq kayan. Leví trïbu mayinkunapita paykunallam Tayta Diospa puntanchö sirviyänanpä kaykäyan>>. 47Tsaypitanam tsay runa midirqan ruri kaq patiuta. Midiptinmi largunpis anchunpis pitsqa chunka (50) metru karqan. Tsaymi cuadrädu karqan. Altarqa templu lädunchömi kaykarqan. 48Tsaypitanam templuman yaykuna kaq cuartuman pushamarqan. Tsaychö ishkan lädunpa pirqata midiptinmi ishkay metru pullan anchun karqan. Punkupa anchunta midiptinnam qanchis metru karqan. Punkupa cada lädunchö kaykaq pirqakunapa largunta midiptinmi juk metru pullan karqan. 49Tsay cuartupa anchunnam chunka metru karqan. Yaykuna punkupita frentinchö kaq punkuyaq midiptinmi joqta metru karqan. Tsayman witsäyänanpämi chunka grädakuna karqan. Templuman yaykunachö ishkay paradorkunam ishkan läduchö ichiraykäyarqan.
Who We AreWhat We EelieveWhat We Do
2025 by iamachristian.org,Inc All rights reserved.
