Salmo 82 - Bible in Quechua of South Conchucos（qxo）

Salmo 82 (81)Juezkunata Tayta Dios yätsinqan 1a (1a) Asaf qellqanqan salmu.

1 1 (1b) Ciëluchö poderyuqkuna qorikäyanqanchömi Tayta Dios juzgananpä shärin.

Paykunapa chawpinchö karmi juezkunata nin:

2<<¡Imayyaqrä mana alli juzgayanki!

¡Imayyaqrä mana alli ruraq runakunapa janan shäriyanki! Selah

3<

Pobrikunapa y faltapakuqkunapa janan shäriyay.

4Pobrikunata y waktsakunata mana alli ruraq runakunapa makinpita jipiyay.

Pïninpis mana kaqkunapa janan shäriyay.

5Mana alli arreglarqa imayka upanömi kaykäyanki.

Imata rurayanqaykitapis manam musyayankitsu ni tantiyayankitsu.

Mana alli juzgayaptikim patsata tukmaraq cimientupis pasaypa kuyun.

6<Llapaykikunapis poderösu Tayta Diospa wamrankunam kayanki.

7Tsaynö karpis wakin runakunanöllam wanuyanki.

Wakin mandaqkunanöllam ushakäyanki> >>.

8Tayta Dios, llapan nacionkunapapis qammi duëñun kanki.

Runakunata juzganaykipä shamuykullay.