1Pïmaypitapis mas kuyayllapä jipash, ¿maypatä kuyanqayki jövin aywashqa?
¿Maypatä aywanan kashqa?
Willayämay ashiq aywanapä.
Jipash:2Kuyaynïqa jardinninmanmi urashqa.
Mushkuykaq wayta jardinninmanmi yaykushqa.
Huertakuna kaqchö mikunanpämi aywashqa.
Tsaychömi liriu waytakunata pallanqa.
3Kuyamaqnïqa noqallatam kuyaman.
Noqapis payllatam kuyä.
Payqa liriu waytakuna kaqchömi mitsikun.
Pitsqa kaq cantuJövin:7Shukutaranqayki rurinchö cäraykipis granadïllanörämi ishkan lädu kuyayllapä pukanrä.
8Reypa joqta chunka (60) warminkuna kayaptinpis
puwaq chunka (80) concubïnankuna kayaptinpis
y yupaytapis mana atipaypä jipashninkuna kayaptinpis
9kuyanqä palumallämi llapanpitapis mas kuyayllapä kaykan.
Paytam mamanpis pasaypa kuyan.
Jipashkunapis kuyayllapä kanqanta rikarmi alabayan.
Reypa warminkuna y concubïnankunapis alli warmi kanqantam parlayan.
Yanasankuna:10Manam pipis kantsu kuyanqayki jipashnöqa.
Waraq lucëru atsikyaqnö y killa kuyayllapä kanqannömi kaykan.
Rupay chipikyaqnömi kuyayllapä kaykan.
Atskaq soldädukuna pelyaman aywayanqan espantaypä kanqannömi kuyayllapä kanqanpis espantaypä kaykan.
Jövin:11Nuwal muntikuna kaykäyanqan jardinmanmi yaykurqü.
Tsayman yaykurqü mayu kuchun pampa verdiraykaqta rikanäpä,
üva tseqlliraykaqta rikanäpä
y granadïlla tuktuykaqta rikanäpämi.
12Tsaychömi illaqpita tantiyaskirqä reypa carrëtanchö kaykaqnörä.
Yanasankuna:13 13 (7.1) ¡Kutikamuy, Sulamita, kutikamuy!
¡Qamtam rikayta munayä!
¡Kutikamuy! ¡Kutikamuy!
Jipash:¿Imanö kaykaqtatä rikayämayta munayanki?
Yanasankuna:¡Campamentuchö tushuykaqtanömi rikayta munayä!
Who We AreWhat We EelieveWhat We Do
2025 by iamachristian.org,Inc All rights reserved.
