Salmo 53 - Bible in Quechua of South Conchucos（qxo）

Salmo 53 (52)Jutsa rurayllachö runa kawanqan Salmo 14 1 (1) Cantaqkunapa mandaqninpämi. Mahalat. David qellqanqan salmum.

1 1 (2) Mana tantiyakuq runakunam shonqunkunachö yarpar niyan: <>.

Paykunaqa mana allikunata rurarmi kaykäyan.

Rurayanqankunapis pasaypa penqakuypämi.

Paykunaqa manam mayqanpis allitaqa rurayantsu.

2 2 (3) Tayta Diosqa ciëlupitam runakunata rikaykämun.

Paymi pitapis tantiyakuqta ashiykan.

Payta pipis ashiqtam ashiykan.

3 3 (4) Peru llapan runakunam jutsata rurar kawayan.

Llapanpis llutantam rurayan.

Manam ni pipis alli ruraq kantsu.

Manam ni jukllayllapis kantsu.

4 4 (5) Mana alli ruraq runakuna ¿manatsurä tantiyakuyan?

Paykunaqa tantata mikuqnömi Tayta Dios kuyanqan runakunata ushakätsiyan.

Tayta Diosta manam imaypis mañakuyantsu.

5 5 (6) Paykunaqa imapis mana kaykaptinmi pasaypa mantsakäyanqa.

Tayta Diosmi paykunata chikir penqakuyman churanqa.

Wanuskatsirmi tullunkunatapis wakpa kaypa mashtanqa.

6 6 (7) ¡Ima allirä kanman Siónpita Israel runakunata Tayta Dios salvaptin!

Salvaptinmi Jacobpita miraq Israel runakuna pasaypa kushikuyanqa.