Salmo 41 - Bible in Quechua of South Conchucos（qxo）

Salmo 41 (40)Qeshyaykaq runa Tayta Diosta mañakunqan 1 (1) Cantaqkunapa mandaqninpämi. David qellqanqan salmu.

1 1 (2) Pobrikunata yanapaq runaqa kushishqam kawan.

Paytaqa ima desgracia shamuptinpis Tayta Diosmi yanapan.

2 2 (3) Nacionninchö kushishqa kawananpämi cuidan.

Contran shäriqkunapitapis tsapanmi.

3 3 (4) Qeshyar ujuraptinpis allïtsinmi.

Ima qeshyawan qeshyaptinpis jampinkim.

4 4 (5) Tayta Diosta mañakurmi nirqä:

< kuyapaykallämay.

Qamta rabyanätsirmi jutsata rurarqü.

Perdonamar alliykatsillämay>>.

5 5 (6) Chikimaqnïkuna wanunäta munarmi niyan:

<<¡Imayrä wanunqa!>>

6 6 (7) Watukamaq shamurpis alli shimillanpam parlapäyäman.

Shonqunkunachöqa chikiykäyämanmi.

Tsaymi lädüpita yarquskirqa conträ parlarna puriykäyan.

7 7 (8) Qorikaykurmi wasäta rimayan.

Jutsäpita ñakanqäta yarparmi niyan:

8 8 (9) <

Ujuranqanpita mananam imaypis shärinqanatsu>>.

9 9 (10) Kuyanakuyanqä amïgüpis conträmi kaykan.

Noqawan mikuykarpis conträmi shärishqa.

10 10 (11) Tayta Dios, kuyapaykallämay.

Chikimaqnï runakuna rurayämanqannö ruranäpä alliykatsillämay.

11 11 (12) Allïtsimanqaykita rikar chikimaqnïkuna manam kushipäyämanqanatsu.

Tsaynöpam tantiyashä kuyamanqaykita.

12 12 (13) Noqaqa manam imatapis mana allikunata rurarqütsu.

Makikiwan imaypis jancharaykallämay.

Ñöpaykichö imaypis tsararaykallämay.

13 13 (14) Adoranqantsik Tayta Dios kananpis imaypis alabashqa kaykullätsun.

¡Amén! ¡Tsaynö katsun!