2 Samuel 13 - Bible in Quechua of South Conchucos（qxo）

Panin Tamarta Amnón violanqan

1Davidpa tsurin Absalónpam kuyayllapä panin karqan. Paypa jutinmi karqan Tamar. Davidpa jukaq tsurin Amnónnam paypita pasaypa enamurädu tikraskirqan.13.1 Amnónpa mamanpa jutinmi karqan Ahinoam. Absalónpawan Tamarpa mamanpa jutinnam karqan Maaca. Tsaypita masta musyanaykipä liyinki 2Sam. 3.2-3.

2Doncëlla jipash kaptinmi Tamarta imaypis cuidayaq. Tsaymi Amnónqa imanöpapis paninwan punuyta mana puëdirnin mikuytapis ni punuytapis mana tarir qeshyaskirqan.

3Amnónpa amïgun Jonadabmi astütu jövin karqan. Payqa Davidpa wawqin Simeapa tsurinmi karqan.

4Tsaypita juk kutichömi Amnónta Jonadab tapurqan: <>.

Tsaynö niptinmi Amnónta nirqan: <>.

5Tsaymi Jonadab nirqan: < >>.

6Tsaynö yätsiptinmi Amnónqa qeshyaq tukurlla cämanchö ujurarqan. Tsayman papänin watukaq chaptinmi Amnón nirqan: <>.

7Tsaymi Tamarta David nirqan: <>.

8Tsaynö niptinmi aywar tarirqan turin Amnónta cämachö ujuraykaqta. Tsaychömi jarinapita tortillata ruraskir ankaparqan.

9Mikunanpä tortillata apaptinmi turinqa mikuyta munarqantsu. Tsaypa rantinmi tsaychö kaq runakunata nirqan: <>.

Yarquskiyaptinnam

10paninta nirqan: <>.

Tsaynö niptinmi tortilla ankanqanta apaparqan.

11Makyaykaptinmi makinpita tsariskir nirqan: <>.

12Tsaynö niptinmi Tamar nirqan: <

13Tsaynö desonraykamaptikiqa ¿ima cäräwanrä kawashäpis? Qamtapis kay Israel nacionchö mana alli ruraqtanömi rikayäshunki. Noqawan tayta munarqa tänantsikpä papänintsikta rugakuy. Rugakuptikiqa awnishunkim>>.

14Tsaynö rugakuptinpis turin Amnónqa manam cäsurqantsu. Tsaypa rantinqa mas kallpayuq karmi juklla violarqan.

15Violaskirnam Amnónqa Tamarta pasaypa chikirnin kuyanqantapis yarparqannatsu. Tsaymi nirqan: <<¡Kaypita ras aywakuy!>>

16Tamarnam nirqan: <>.

Peru tsaynö niptinpis Amnónqa manam cäsurqantsu.

17Tsaypa rantinqa sirviqninta qayaskirmi nirqan: <>.

18Tsaynö niptinmi Amnónpa sirviqninqa jipashta qarquskir punkuta trancaskirqan.

Tsay witsanqa costumbrin kanqannömi reykunapa tsurin doncëlla jipashkuna kuyayllapä tünicata jatikuyaq. Tsaymi Tamarpis kuyayllapä tünican jatishqa kaykarqan.

19Pasaypa llakikurninmi jatiranqan tünicanta rachir usharnin umanman uchpata wiñakurqan. Tsaymi makinwan uman tsarishqa waqaraykar aywakurqan.

20Turin Absalónnam tapurqan: <<¿Rasunpaku turiki Amnón violashurquyki? Tsaynö rurashunqaykipita ama llakikuytsu. Turiki kaykaptinqa jina tsayllachöna ushakäkutsun>>.

Tsaypita pasaypa penqakurmi turin Absalónpa wayillanchö Tamar täkurqan.

21Tamarta Amnón violanqanta musyaskirmi rey David pasaypa rabyarqan. Tsaynö rabyarpis mayor tsurin kuyay kaptinmi Amnónta imatapis nirqantsu.

22Absalónpis wawqin Amnónta manam imatapis nirqantsu, panin Tamarta violanqanpita pasaypa nanapararpis.

Amnónta Absalón wanutsinqan

23Tsaypita ishkay wata päsaskiptinnam Absalónqa Baal-hazorchö üshankunata rututsir mikuyta kusinatsirqan. Tsayqa Efraín trïbu runakuna täyanqan lädupam karqan. Tsaymanmi wawqinkunata qayatsirqan llapan qorikaykur mikuyänanpä.

24Tsaymi Absalónqa papänin rey Davidman aywaykur nirqan: <>.

25Rey Davidnam nirqan: <>.

Kutin kutin Absalón rugakuptinpis manam awnirqantsu. Tsaypa rantinqa llapanpis alli kananpämi bendisarqan.

26Tsaymi Absalón nirqan: <>.

Tsaynö niptinmi rey David nirqan: <<¿Imanirtä pay aywananta munaykanki?>>

27Tsaynö niptinpis Absalón kutin kutin rugakuptinmi rey David awnirqan tsurin Amnón y wakin tsurinkunapis aywayänanpä.

Tsaypita kutiykurmi Absalónqa atska alli mikuyta rey mikunanpänörä kusinatsirqan.

28Puntatanam sirviqninkunata yätsirnin Absalón nirqan: <>.

29Tsaymi Absalónpa sirviqninkunaqa patronnin ninqannölla Amnónta wanuskatsiyarqan. Amnónta wanuskatsiyaptinmi rey Davidpa wakin kaq tsurinkuna mulankunata muntakurkur qeshpir aywakuyarqan.

30Manarä chäyaptinmi Davidta juk runa willar nirqan: <>.

31Tsaynö willaptinmi pasaypa llakikurnin Davidqa röpanta rachiskir patsaman jitakaskirqan. Tsaynöllam yanapaqninkunapis llakikurnin röpankunata rachiyarqan.

32Tsayta rikaykurmi Davidpa wawqin Simeapa tsurin Jonadab nirqan: <

33Taytay, ama yarpaytsu llapan tsurikikunata wanutsinqanta. Tsuriki Amnónllatam wanutsishqa>>.

34Absalónnam qeshpir aywakurqan.

Tsaypitanam Jerusalén marka cuidaq runa rikachakuykanqanchö rikarqan atska runakuna tsimpapa uraykäyämuqta. Tsaymi rey Davidman aywaykur nirqan: <>.

35Jonadabnam rey Davidta nirqan: <<¿Manaku nirqä tsurikikuna mana wanuyanqanta?>>

36Tsaynö parlaykaptinmi Davidpa tsurinkuna chaykur wawqin Amnónta wanutsiyanqanpita llapan waqayarqan. Rey Davidpis y yanapaqninkunapis pasaypam waqayarqan.

37Davidqa tsurin Amnónpä llakikurmi qoyay qoyay waqaq.

Absalónnam qeshpir aywakurqan Gesur nacionpa mandaqnin rey Talmaiman. Talmaiqa Amiudpa tsurinmi karqan.13.37 Talmaiqa mamapita Absalónpa awilunmi karqan. Tsayta musyanaykipä liyinki 2Sam. 3.3.

38Tsaychömi kimsa wata Absalón tarqan.

39Tsurin Amnónpä llakikuynin päsaskiptinnam Davidqa tsurin Absalónpä pasaypa llakikur paywan tinkuyta munarqan.