Salmo 92 - Bible in Quechua of South Conchucos（qxo）

Salmo 92 (91)Kuyakuq kanqanpita Tayta Diosta alabanqan 1 (1) Kay salmuqa jamay junaqchö cantanapä cantum.

1 1 (2) Tayta Dios, qamta agradëcikunqäqa allim.

Poderösu Tayta Dios, qamta alabarmi pasaypa kushikü.

2 2 (3) Kuyapäkuq kanqaykipitam wäraypa alabashayki.

Paqaspanam awninqaykita cumpliq kanqaykipita adorashayki.

3 3 (4) Chunka cuerdayuq taksha arpawan, jatun arpawan y salteriuwanmi alabashayki.

4 4 (5) Tayta Dios, llapan ruranqaykita rikarmi kushikü.

Tsaymi shonqüpis pasaypa kushikun.

5 5 (6) Tayta Dios, llapan ruranqaykikunam espantaypä kaykan.

Yarpanqaykitaqa ¿pirä musyanman?

6 6 (7) Mana alli ruraq runakunaqa tsaykunata manam tantiyayantsu.

7 7 (8) Waray warantin ushakäyänallanpämi mana alli ruraq runakuna y mana cäsushuqniki runakuna mana alli qewanö miraykäyan.

8 8 (9) Tayta Dios, qammi sïqa imayyaqpis rey kanki.

9 9 (10) Contraykikunaqa llapanmi ushakäyanqa.

Mana alli ruraq runakunaqa maytsaypam llapanpis aywakuyanqa.

10 10 (11) Törupa kallpannö kallpä kananpämi kallpatapis qaramanki.

Yanapamaptikim pasaypa kushikü.

11 11 (12) Rikashärämi conträkuna ushakäyanqanta.

Chikimaqnïkuna ñakar waqayanqantapis wiyashärämi.

12 12 (13) Alli runakunaqa palmëra jachanörämi atska wata kawayanqa.

Líbanuchö cedrunörämi kayanqa.

13 13 (14) Tayta Diospa wayinchömi imaypis paykuna kaykäyan.

Templupa patiunchö kuyayllapä waytakunanömi kaykäyan.

14 14 (15) Rukuyarpis jövinnöllam kayan.

Imaypis sänu y jinchim kayan.

15 15 (16) Tsaychömi Tayta Dios tsapämaqnintsik kanqanta willakuyan.

Alli runakunapa janan shärinqantam imaypis willakuyan.