Ezequiel 35 - Bible in Quechua of South Conchucos（qxo）

Edom nacionta ushakätsiyänanpä ninqan

1 Tayta Diosmi nimarqan:

2< jirkapa tikraskir edomita runakunata ima päsananpä kaqtapis willay.

3Willakur ninki:

<< nin:

Edomita runakuna, contraykim kä.

Qamkunata castigarmi markaykikunatapis tsunyaykaq raqällatana jaqishä.

4Chipyaq ushakätsiptïmi markaykikuna tsunyaq quëdanqa.

Tsayrämi Tayta Dios kanqäta musyayanki.

5<<

Tsaymi juk nación runakuna atacayaptinpis yanapayänaykipa trokin wanutsishqa kayänanpä entregayarquyki.

6Paykunata entregayanqaykinömi qamkunatapis wanutsiyäshunaykipä entregashayki.

Noqa Tayta Diosmi tsaynö kananpä jurä.

7<<

Nacionnikipita yarquq kaqta y kutimuq kaqtapis wanutsishämi.

8Maytsaychöpis espädawan wanutsiyäshunaykipämi permitishä.

Tsaymi jirkakunachö, jirkankunachö, mayukunachö y mayu kuchun pampakunachöpis ayakunallana jitaräyanqa.

9Imayyaqpis tsunyaqlla kananpämi permitishä.

Markaykikunatapis chipyaq ushakashqatam jaqishä.

Tsayrämi Tayta Dios kanqäta musyayanki.

10<<

Tsaynö niyarquyki tsay nacionkunachö täraq runakunata yanapaykaptïmi.

11Tsaymi jurar nï:

Israel runakunata rabyapäyanqaykiman, chikiyanqaykiman y contran shäriyanqaykimanmi noqapis qamkunata ushakätsiyäshayki.

Tsaynöpam Israel runakunapis musyayanqa qamkunata castiganqäta.

12<<

<

Tsay jananmanmi noqantsikpis peorrä ushakätsishun>>.

Tsaynö niyanqaykipitam kikikikunata ushakätsiyäshayki.

Tsayrämi musyayanki noqa Tayta Dios llapan niyanqaykita musyanqäta.

13Qamkunaqa noqapa conträ parlarmi imaykatapis shimikikunaman chanqanta parlayarquyki.

Allish tukur tsaynö parlayanqaykitam wiyarqü.

14<< nin:

Edom nacionnikita ushakätsiptï maytsay nación runakunam kushikuyanqa.

15Israel nacionta ushakätsiyaptin kushipäyanqaykinömi noqapis ushakätsiyäshuptiki kushipäshayki.

Edom nacionniki chipyaqmi ushakanqa.

Tsayrämi Tayta Dios kanqäta musyayanki>.