1Kaychömi qellqashqa kaykan llapanpitapis mas kuyayllapä cantukuna. Kay cantukunaqa Salomónpam.
Punta kaq cantuJipash:Tsaychömi pasaypa kushishqa kashun.
Vïnuta upur kushikunqantsikpitapis masmi kuyanakur kushikushun.
¡Rasunpam jipashkuna kuyayäshunki!
5Jerusalén jipashkuna, yanalla karpis Cedar runakunapa toldunnömi kuyayllapä kä.
Salomón ruratsinqan cortïnakunanömi kuyayllapä kä.
6Achaywan yanayashqa kanqäta ama rikapäyämaytsu.
Turïkuna ajanarmi üva chakrakunata cuidanäpä churayämarqan.
Tsaymi kikïpa üva chakrätaqa cuidarqütsu.
7Kuyayllapä jövin, willaykallämay.
Üshaykikunata ¿maychötä mitsinki?
Pullan junaq pasaypa achaptin ¿may llantumantä qatinki?
Willamaptikiqa amïguykikuna mitsikuyanqanchö ashirniki manam pantakashqa purishätsu.
Yanasankuna:8Llapan jipashkunapitapis mas kuyayllapä jipash, ashinqayki jövin maychöpis kanqanta mana musyarqa üshakunapa rastrullanpa ayway tarinqaykiyaq.
Mitsikuqkunapa tsukllankuna kaqman chaykur cabraykikunata mitsikuy.
Jövin:9Kuyayllapä jipash, Faraónpa carrëtanta qarachaq fïna yëwanömi kuyayllapä kanki.
10Arëtikurkuptikiqa pasaypa kuyayllapämi cäraykipis.
Perlas wallqata wallqakuskiptikiqa kuyayllapämi kunkaykipis.
11Qellaywan adornashqa qori arëtitam rurapäshayki.
Jipash:12Perfümïpa mushkuyninqa kuyanqä rey jamaraykanqanyaqmi chan.
13Taksha pikshawan tsararanqä mïrra perfümi pëchullächö kanqannömi kuyaynïpis pëchullächö warat punun.
14En-gadi parti üva chakrachö kaykaq kuyayllapä alheña waytanömi kuyaynïqa kaykan.
Jövin:15Kuyayllapä jipash, pasaypa kuyayllapämi kanki.
Maypis kuyakuykay munaymi kanki.
Ñawikipis ishkay palumanömi kuyayllapä.
Jipash:16Kuyaynï, pasaypa kuyayllapämi kanki.
Shumaq karmi munapaypä kanki.
Jövin:Verdiraykaq qewam cämantsikpis kaykan.
17Cedru muntim wayintsikpis.
Ciprés muntim llanturämaqnintsikpis.
Who We AreWhat We EelieveWhat We Do
2025 by iamachristian.org,Inc All rights reserved.