1 Corintios 14 - Bible in Quechua of South Conchucos（qxo）

Mana tantiyayanqan idiömapä yätsinqan

1Tsaynö kaykaptinqa shumaq kuyanakur kawayay. Espíritu Santu habilidäta qarayäshunaykipä

22Tsay ninqannöllam runakuna mana tantiyayanqan idiömachö willakushqa Jesucristuman mana criyikuqkuna Tayta Diospa willakuyninta chaskiyanqatsu. Peru tantiyayanqan idiömachö willakushqam sïqa Jesucristuman criyikuyanqa.

23Qorikäyanqaykichö mana tantiyayanqan idiömachö llapayki parlayaptikim imanir tsaynö parlayanqaykita mana musyaq runa o mana criyiq runakuna yaykur löcuyashqa kaykäyanqaykita yarpäyanqa.

24Peru tantiyayanqan idiömachö Diospa willakuyninta willakuyaptikim sïqa jutsayuq kayanqanta tantiyakuyanqa.

25Tsaymi willakuyanqayki shonqunman chaptin Tayta Dios qamkunawan kaykanqanta tantiyar qonquriykur Tayta Diosta adorayanqa.

Qorikäyanqanchö imanöpis kayänanpä ninqan

26Tsaynö kaptinqa wawqikuna y panikuna, qorikäyanqaykichö salmukunata cantarpis, Jesucristupa willakuyninta yachatsirpis, Tayta Dios tantiyatsiyäshunqaykikunata willakurpis, runakuna mana tantiyayanqan idiömachö parlarpis y tsay parlanqanta tantiyatsirpis llapanta rurayay criyikuq mayikikuna Tayta Dios munanqannö kawayänanpä.

27Mana tantiyayanqan idiömakunachö parlarqa juk ishkaylla trocanakuypa parlayätsun. Tsay parlayanqanta juk wawqina tantiyatsitsun.

28Pillapis tantiyatsinanpä mana kaptinqa upällakuyätsun. Parlananpa rantinqa shonqullanchöna Tayta Diosta mañakuyätsun.

29Tsaynölla qorikäyanqaykichö Diospa willakuyninta juk ishkaylla willakuyätsun. Wiyaqkuna tantiyakuyätsun llutanta willakuyanqanta o rasun kaqta willakuyanqanta.

30Imatapis willakunanpä juk wawqita Tayta Dios tantiyatsiptinqa parlaykaq wawqi upällakutsun jukaq wawqina parlananpä.

31Tsaynöpam llapaykipis shuyänakuypa willakuyanki llapanpis yachakuyänanpä.

32Willakuqkuna imay parlayänanpä y imay upällakuyänanpäpis tantiyayanmi.

33Salvanqan runakuna qorikäyanqanchöqa Tayta Dios manam desordin kananta munantsu, sinöqa llapanpis shumaq ordenädu kanantam munan.

34Qorikäyanqaykichö warmikuna upällalla kakuyätsun. Ama parlakuyätsuntsu. Moisés qellqanqan leykunachö ninqannö runanpa poderninchö kayätsun.

35Imatapis musyayta munarqa wayinkunaman kutiykur runankunata tapuyätsun. Manam allitsu qorikäyanqaykichö warmikuna parlayaptinqa.

36¿Imanirtä yarpäyanki qamkuna kaqchö Tayta Diospa palabran qallanqanta y qamkunallata willayäshunqaykita?

37Tayta Diospa willakuqninkuna y Espíritu Santu tantiyatsinqan runakuna kayanqaykita yarparqa tantiyakuyankimanmi kay cartachö ninqäkuna Jesucristupa mandamientunkuna kanqanta.

38Kay cartachö ninqäkunata mana chaskiq kaqtaqa Tayta Dios manam chaskinqatsu.

39Tsaynö kaykaptinqa Tayta Diospa willakuyninta runakuna tantiyayanqan idiömachö willakuyay. Mana tantiyayanqan idiömachö parlayaptinpis ama michäyaytsu.

40Peru qorikäyanqaykichö Tayta Dios munanqannölla llapantapis ordenädu rurayay.