2 Crónicas 36 - Bible in Quechua of South Conchucos（qxo）

Judá nacionchö Joacaz rey kanqan 2 Reyes 23.31-35

1Tsaypitanam Judá runakuna Joacazta churayarqan papäninpa rantin Jerusalénchö rey kananpä.

2Joacazqa ishkay chunka kimsa (23) watayuq kaykarmi rey kayta qallaykurqan. Payqa kimsa killallam Jerusalénpita mandarqan.

3Jerusalénman Egipto nacionpa mandaqnin rey chaykurmi mandaq kanqanpita Joacazta jipirqan. Tsaypitam Judá runakunata nirqan kimsa waranqa kimsa pachak (3,300) kïlu yuraq qellayta y kimsa chunka kimsa (33) kïlu qorita qoriskir impuestuta pägayänanpä.

4Rey kanqanpita jipirmi Joacazpa wawqin Eliaquimta Jerusalénchö y Judáchö rey kananpä churarqan. Tsaynöllam Eliaquimpa jutintapis trocatsirqan Joacimta. Joacaztanam Egiptupa prësu aparqan.Judá nacionchö Joacim rey kanqan 2 Reyes 23.36—24.7

5Joacimqa rey kayta qallaykurqan. Payqa kimsa killa y chunka junaqllam Jerusalénpita mandarqan. Peru Tayta Diosta mana cäsurmi jutsata rurarqan.

10Mushuq wata qallaykuptinmi Babiloniapa mandaqnin rey Nabucodonosor Joaquínta Babiloniaman prësu apatsirqan.Judá nacionchö Sedequías rey kanqan 2 Reyes 24.18-20; Jeremías 52.1-3

11Sedequías ishkay chunka juk (21) watayuq kaykarmi rey kayta qallaykurqan. Payqa chunka juk watam Jerusalénpita mandarqan.

12Sedequíasqa Tayta Dios ninqanta profëta Jeremías willaptinpis mana cäsurmi jutsata rurarqan. nacionpa mandaqnin rey soldädunkunawan Israel runakunata ushakätsiyänanpä.Jer. 21.4-10. Tsay soldädukuna chaykurmi templu rurinchöpis jövinkunata espädawan wanutsiyarqan. Tsaynöllam cällikunachöpis jövinkunata, jipashkunata, rukukunata, chakwankunata y qeshyaykaqkunata mana kuyapaypa wanutsiyarqan. Llapantam paykunapa poderninman Tayta Dios dëjarqan.

18Tsaypitam templupita llapan manëjukunata jatuntapis takshatapis apayarqan. Tsaynöllam templupita, reypa palaciunpita y reyta mandar yanapaqninkunapa wayinkunapitapis kuyayllapä kaqkunata apayarqan. Llapan tsay qoriyanqantam Babiloniaman apayarqan.

19Tayta Diospa templunta kayarmi1Rey. 9.8. Jerusalén markapa murällantapis llapanta juchutsir reypa palaciunkunatapis kayar ushayarqan. Mas chaniyuq kaqkunataqa llapantam ushakätsiyarqan.

20Kawaykar quëdaqkunatanam Babiloniaman prësu apayarqan. Tsaychömi Babilonia runakunapa y tsurinkunapa sirviqninkuna kayarqan Babilonia nacionta Persia nacionpa mandaqnin rey vincinqanyaq.

21Tsaynöpam profëta Jeremías willakunqanta cumpliyarqan.Jer. 25.11; 29.10. Runakunata Jerusalénpita apayaptinmi Judá nacionchö chakrakuna qanchis chunka (70) wata jamarqan.

Israel runakuna nacionninman kutiyanqan Esdras 1.1-4

22Persia nacionchö Ciro rey kayman yaykunqan watam Ciruta Tayta Dios yarpayta qorqan Israel runakunata nacionninkunaman kutitsinanpä. Tsaynö kutitsirmi profëta Jeremías willakunqanta cumplirqan.2Crón. 36.21; Jer. 25.11; 29.10. Tsaymi rey Ciruqa pregunaypa y cartakuypa entëru mandanqan nacionman willakatsir nirqan:

23< llapan nacionkunata podernïman churamushqa. Paymi nimashqa Judáchö kaykaq Jerusalénchö templunta shäritsinäpä.Isa. 44.28; 45.1-4. Mayqaykipis Israel casta kaqkunataqa markaykikunaman kutikuyänaykipä Tayta Dios yanapaykuyäshuy> >>.