Números 14 - Bible in Quechua of South Conchucos（qxo）

Israel runakuna Tayta Diospa contran shäriyanqan Deuteronomio 1.26-33

1Tsaynö niyaptinmi Israel runakuna qayararnin tsay paqas warat waqayarqan.

2Tsaymi Moisésta y Aarónta ollqutupar niyarqan: <<¡Allim kanman karqan Egiptullachö o kay desiertullachö wanukushqa!

3¿Imapätä kayman Tayta Dios pushamarquntsik? Guërrachö wanutsimarnintsikmi warmintsikta y tsurintsikkunatapis contrantsikkuna apakuyanqa. ¡Tsaypa rantinqa mas allim kanman karqan Egiptuman kutikushqa!>>

4Tsaymi juknin jukninpis willanakur niyarqan: <>.

5Tsaynö niyaptinmi Moiséswan Aarónqa ima ruraytapis mana puëdir llapan runakunapa puntanchö lätakuykuyarqan.

6Nunpa tsurin Josué y Jefonipa tsurin Calebpis pasaypa llakikurmi röpankunata rachiyarqan. (Paykunaqa Canaánman rikapakuq aywaqkunam kayarqan.)

7Tsaypitanam Israel runakunata niyarqan: <<¡Rikapakayämunqä nacionqa alläpa allim kaykan!

8Kuyamarnintsikmi Tayta Dios tsay nacionta entregamäshun. Tsaychöqa lichipis abëjapa mishkinpis yakunörämi atska kaykan.

9Tayta Diospa contran ama shäriyaytsuIsrael runakunata Tayta Dios castiganqan Deuteronomio 1.34-40

20 Tayta Diosnam nirqan: <

21Imayyaqpis kawaq Dios kar y entëru munduta podernïchö tsarararmi nï:

22-23Egiptuchö y desiertuchö milagrukunata ruranqäta rikaqkuna manam ni jukllayllapis chäyanqatsu unay castaykikunata awninqä nacionman. Paykunaqa kikinkuna munayanqanta ruratsimayta munarmi kutin kutin cäsuyämashqatsu. Manam mayqanpis tsaynö rabyanätsimaqkuna tsay nacionman chäyanqatsu.Heb. 3.18.

24Peru sirvimaqnï Calebmi sïqa ninqäkunata cäsuman. Tsaymi rikapakamunqan nacionman payta yaykatsishä. Paypita miraqkunapis tsaychömi täyanqa.Jos. 14.9-12.

25Amalecita y cananeo runakuna täyanqan pampapaqa amana päsayaynatsu. Tsaypa rantinqa waray junaq desiertuman kutiyay Puka Lamarman aywaq nänipa>>.

26Tsaypitanam Moisésta y Aarónta Tayta Dios nirqan:

27<

28Kay ninqäta paykunata willay: jurar nï: Yarpäyanqaykinöllam llapaykita ushakätsiyäshayki.

29Conträ parlayanqanpitam ishkay chunka (20) watayuqpita janaman llapan censashqa kaqkuna kay desiertuchö wanuyanqa.Heb. 3.17.

30Jefonipa wamran Calebwan y Nunpa wamran Josuéllam awninqä nacionman yaykuyanqa. Tsaypita kaqqa manam mayqaykipis yaykuyankitsu.

31Peru wamraykikunatam sïqa chikiyäshuqniki runakuna apakuyänanpä kanqanta yarpäyaptikipis yaykatsishä. Despreciayanqayki nacionchömi wamraykikuna täyanqa.

32<<

33Wanur ushakäyanqaykiyaqmi wamraykikuna chusku chunka (40) wataHech. 7.36. ashmankunawan desiertupa puriyanqa. Qamkuna mana wiyakuq kayanqaykipitam tsaynö ñakayanqa.

34Chusku chunka junaq Canaánta rikapakayämunqaykinömi chusku chunka wata ñakar puriyanqa. Tsaynöpam cada junaqpita juk wata desiertuchö kayanki. Tsayrämi musyayanki imanö castigakuq kanqätapis.

35Noqa Tayta Dios karmi ninqäta cumplishä. Tsaymi conträ shäriq y mana cäsumaq runakunata castigaptï kay desiertullachö wanur ushakäyanqa> >>.

36Runakunata qelanätsiyanqanpitam Moisés mandanqan chunka rikapakuqkunata

37pesti qeshyawan Tayta Dios wanutsirqan.

38Josuéwan Calebllam kawaykar quëdayarqan.

Amalecita y cananeo runakuna Israel runakunata vinciyanqan Deuteronomio 1.41-46

39 Tayta Dios ninqanta Moisés willaptinmi Israel runakuna pasaypa llakikuyarqan.

40Tsaymi wäraylla shärikuskir jallqakunaman aywayänanpä niyarqan: < awnimanqantsik nacionman yaykuyta mana munarmi jutsayuq kaykantsik. Kanan tsayman juklla aywashun>>.

41Moisésnam nirqan: <<¡Manakaqllapämi tsayman aywayta yarpaykäyanki! Desiertuman kutinantsikpä Tayta Dios nikämashqaqa ¿imanirtä cäsuyta munayankitsu?

42Awnimanqantsik nacionman ama aywayaytsu. Mana wiyakur aywayaptikiqa Tayta Dios manam yanapayäshunkitsu. Tsaymi chikishuqnikikuna vincir wanutsiyäshunki.

43Amalecita y cananeo runakunaqa ushakätsiyäshunaykipämi shuyaykäyäshunki. Mana cäsukuq kayanqaykipita Tayta Dios manam washäyäshunkinatsu>>.

44Moisés tsaynö nikaptinmi Israel runakuna allish tukur jallqakunaman aywayarqan. Tsaynö aywayarqan campamentuchö Moisésta y Pactu Babulta dëjaskirmi.

45Israel runakuna aywaykaptinmi jallqakunachö täraq amalecita y cananeo runakuna yarqaskamur Israel runakunata atacayarqan. Vinciskirmi qatikachäyarqan Hormayaq.