Salmo 141 - Bible in Quechua of South Conchucos（qxo）

Salmo 141 (140)Jutsata mana rurananpä Tayta Diosta mañakunqan 1a (1a) David qellqanqan salmu.

1 1 (1b) Tayta Dios, qamtam mañakamü.

Yanapamänaykipä shamuykullay.

Rugakamuptï ras yanapaykallämay.

2Mañakamunqäpis imayka inciensiunö puntaykiman chämutsun.

Makïta joqarkur rugakamunqäpis tardipa rupatsinqan sacrificiunö kaykullätsun.

3 Tayta Dios, llutanta mana parlanäpä shimïta tsapaykullay.

Mana allikunata mana parlanäpä imaypis yanapaykallämay.

4Shonqü llutanta mana yarpachakunanpä tantiyaykatsillämay.

Jutsa ruraqkunawan tsay yarpaylla kanäta ama munaykullaytsu.

Paykunawan mikur upur kanätapis ama munaykullaytsu.

5Alli runa corrigimar asutamaptinpis chaskikümi.

Yätsimanqantam cäsukü.

Jutsa ruraqkuna yätsiyämanqantaqa manam wiyaytapis munätsu.

Paykunata castigananpämi Tayta Diosta imaypis mañakuykä.

6Mandaqninkunataqa imayka desgraciam päsanqa.

Tsayrämi tantiyakuyanqa noqa willakunqä rasunpa kanqanta.

7Chakrata barbichaptin kurpakuna mashtaraqnömi tullunkunapis panteonkunachö mashtaranqa.

8 Tayta Dios, qamllamanmi yärakamü.

Ama jaqiykallämaytsu.

9Mana alli ruraq runakuna trampata churapäyämanqanman mana ishkinäpä tsapaykallämay.

10Trampata churapäyämanqanman kikinkuna ishkiyätsun.

Peru noqataqa salvaykallämay.