1 1 (2) Llapan shonqüwanmi Tayta Diosta mañakü.
Wiyamänanpämi payta jinchipa rugakü.
2 2 (3) Llakikunqä höram Tayta Diosta rugakü.
Paqaspa makïta joqarkur mañakurpis manam ajayätsu.
Tsaynö mañakurpis pasaypam llakikü.
3 3 (4) Llakikurnin ni ima ruraytapis mana puëdirmi Tayta Diosta mañakur waqä. Selah
4 4 (5) Tayta Dios, qampä yarpararmi punuytapis tarïtsu.
Imanö yarpachakurpis manam ima niytapis puëdïtsu.
5 5 (6) Puntata yanapayämanqaykitam yarparaykä.
Unayna päsashqa kaptinpis manam qonqätsu.
6 6 (7) Paqaskunapa qamta alabanqätam yarpaskï.
Tsaymi shonqullächö yarpachakur nï:
7 7 (8) <<¿Tsaynöllatsurä Tayta Dios rabyashqa kanqa?
¿Mananatsurä yapay kuyapämäshun?
8 8 (9) ¿Kuyakuq kayninpis ushakashqanatsurä?
Promitinqanta ¿pasaypatsurä qonqaykushqa?
9 9 (10) ¿Kuyapäkuq kanqanta qonqaykushqatsurä?
¿Pasaypa rabyaywantsurä kuyapäkuyninpis ushakashqa?>> Selah
10 10 (11) Tsaymi nirqä: <
Tsaynö nirmi pasaypa llakikurqä.
11 11 (12) Llakikuykanqächömi espantaypä unay ruranqaykikunata yarpaskirqä.
12 12 (13) Llapan ruranqaykitam yarpäshä.
Podernikiwan ruranqaykikunata manam qonqäshätsu.
13 13 (14) Tayta Dios, llapan ruranqaykikunaqa allim.
Qammanqa manam mayqan diospis iwalantsu.
14 14 (15) Qammi espantaypä kaqkunata ruranki.
Wakin nacionkunatam poderösu kanqaykita musyatsirquyki.
15 15 (16) Kuyanqayki runakunatam podernikiwan jipimurqayki.
Paykunaqa Jacobpita y Josépita miraqkunam kayan. Selah
16 16 (17) Tayta Dios, lamar yakupis rikaskishurnikim pasaypa mantsakarqan.
Mas jondun kaq yakupis pasaypam kuyurqan.
17 17 (18) Pukutaypitam tamyapis tamyamurqan.
Ciëluchömi maqakuypis wiyakämurqan.
Entërupam illaqukuypis chipikyämurqan.
18 18 (19) Shukukuy vientuchömi maqakuyniki pashtanqanpis wiyakämurqan.
Illaqukuynikipa atsikyayninwanmi patsapis rikakarqan.
Temblorwanmi patsapis pasaypa kuyurqan.
19 19 (20) Lamar chawpinpam nänita rurarqayki.
Atska yaku chawpinpam päsarqayki.
Manam ni pipis rastruykita tarirqantsu.
20 20 (21) Üshata qatiqnömi kuyanqayki runakunata pusharqayki.
Moiséswan y Aarónwanmi paykunata pushatsirqayki.
Who We AreWhat We EelieveWhat We Do
2025 by iamachristian.org,Inc All rights reserved.
