1¡Aleluya!
Ciëluchö kaqkuna, Tayta Diosta alabayay.
2 Angelkunapis, llapaykikuna alabayay.
Guërrachö pelyaq angelkunapis, llapaykikuna alabayay.
3Rupaypis y killapis, alabayay.
Atsikyaq qoyllurkunapis, llapaykikuna alabayay.
4Mas altuchö kaykaq ciëlupis, payta alabay.
Ciëlu jananchö kaykaq yakupis, payta alabay.
5 Tayta Dios alabashqa kaykullätsun.
Pay mandaptinmi llapanpis rurakarqan.
6Tayta Dios kamanqankunaqa manam ushakanqatsu.
Pay ninqankunataqa manam pipis trocatsinqatsu.
7Kay patsachö kaqkuna, Tayta Diosta alabayay.
Lamarchö mantsaypä pescädukuna y tsaychö llapan kaqkunapis, alabayay.
8Maqakuypis, runtu tamyapis, rashtapis y pukutaypis alabayay.
Tayta Dios munanqanta ruraq shukukuy vientupis, alabay.
9Jirkakunapis, jirkankunapis, frütayuq jachakunapis y cedrukunapis, alabayay.
10Ashmana kaq y mana ashmana kaq ashmakunapis, lätaypa puriqkunapis y pishqukunapis, alabayay.
11Kay patsachö reykunapis, llapan nacionchö täraq runakunapis, munayyuq runakunapis y autoridäkunapis, alabayay.
12Jövinkunapis, jipashkunapis, rukukunapis, wamrakunapis,
13Tayta Diosta alabayay.
Paymanqa manam pipis iwalantsu.
Paymi kay patsachö kaqkunapita y ciëluchö kaqkunapitapis mas poderösu.
14Paymi kuyanqan runakunata imaypis yanapan.
Pay munanqannö kawaq Israel runakuna, llapayki alabaykuyällay.
¡Aleluya!
Who We AreWhat We EelieveWhat We Do
2025 by iamachristian.org,Inc All rights reserved.
