1Tsaynöllam bronci altartapis Salomón ruratsirqan.Éxo. 27.1-2. Tsay altarpa largunmi karqan isqun metru, anchun isqun metru y altunnam chusku metru pullan.
2Tsaynöllam yakuta qoriyänanpä ruratsirqan broncipita fundiypa lamar niyanqan jatun redondu lavatoriuta. Tsay lavatoriupa anchunmi chusku metru pullan karqan. Altunnam ishkay metru y ishkay chunka pitsqa 25 centïmetru karqan. Kuchunta tumaypa midiptinmi chunka kimsa metru pullan (13.5) karqan.
3Lavatoriupa shimin jawanpanam ishkay fïla tumaypa broncipita rurashqa törukuna karqan. Cada pullan metruchömi chunka törukuna karqan. Tsay törukunaqa lavatoriuwan juk piëzallam karqan.
4Tsay lavatoriutam chunka ishkay broncipita rurashqa törukuna jananman jamatsirqan. Kimsa törukunam rikaräyarqan rupay yarqamunan kaq lädupa, kimsa rupay ullunan kaq lädupa, kimsa norti kaq lädupa y kimsa sur kaq lädupa. Tsay törukunaqa llapanpis sikipuram ichiräyarqan. Lavatoriunam törukunapa jananchö karqan.
5Tsay lavatoriuqa puwaq centïmetru raktam karqan. Shiminqa liriu wayta pashtaykaqnömi karqan. Tsay lavatoriumanqa joqta chunka joqta waranqa (66,000) litru yakum yaykuq.
6Tsaynöllam chunka taksha lavatoriukunatapis broncipita ruratsirqan.Éxo. 30.17-21. Tsay lavatoriukunachö kaykaq yakuwanmi sacrificiukunata rupatsiyänanpä llapanta mayllayaq. Pitsqa lavatoriukunam churaräyarqan altarpa derëcha kaq lädunpa y pitsqa kaqnam churaräyarqan altarpa itsuq kaq lädunpa. Peru jatun lavatoriuchö wiñaraq yakuwanmi sïqa sacerdötikuna mayllakuyaq.
7David yätsinqannöllam chunka candelërukunatapis qoripita ruraskatsirÉxo. 25.31-40. templuman churatsirqan. Pitsqa kaqtam churatsirqan derëcha kaq läduman y pitsqa kaqtanam churatsirqan itsuq kaq läduman.
8Tsaynöllam chunka mësakunataÉxo. 25.23-30. ruraskatsir templuman churatsirqan, pitsqa kaqta derëcha kaq läduman y pitsqa kaqtana itsuq kaq läduman.
Tsaynöllam pachak (100) tazonkunatapis qoripita ruratsirqan.
9Juk patiutanam ruratsirqan sacerdötikuna qorikäyänanpä y juk mas jatun patiutana ruratsirqan común runakuna qorikäyänanpä. Cada patiupa punkuntam bronciwan enchapatsirqan.
10Tsay jatun lavatoriutanam churatsirqan templupa derëcha kaq esquïnanman. Tsay esquïnaqa rupay yarqamunan kaq lädupam karqan.
11Tsaynöllam Hiram rurarqan mankakunata, tenäzakunata y tazonkunata.
Salomón minkakunqannöllam Hiramqa Tayta Diospa templunchö kananpä llapanta rurarqan.
12Tsay ruranqankunam karqan:
ishkay paradorkuna,
paradorkunapa puntanchö adornunkuna,
paradorkunapa cada adornunchö tukupa ñawinnö rurashqa ishkay adornukuna,
13tsay adornupita warkuraq chusku pachak (400) granadïllakuna (tsay granadïllakunatam rurarqan ishkay fïla warkuräyänanpä),
14chunka carrëtakuna,
carrëtakunapä chunka lavatoriukuna,
15chunka ishkay törukuna,
törukuna jananman jamananpä lamar niyanqan jatun lavatoriu,
16mankakuna,
pälakuna
y jatun trinchikunapis.
Tsay llapantam Tayta Diospa wayinpä rey Salomón ninqannölla broncipita chipipiqtarä Hiram-abi rurarqan.
17Räku mituwan moldita ruraykurmi tsaykunata fundirqan Sucot y Saretán markakuna tinkuqchö. Tsayqa Jordán mayu lädun pampachömi karqan.
18Broncipita ruranqan atska manëjukuna kaptinmi ayka broncita gastanqantapis Salomón pësatsirqannatsu.
19Tsaynöllam Tayta Diospa templunman churayänanpä wakin manëjukunatapis Salomón ruratsirqan. Tsay manëjukunam karqan:
qoripita altar,
tanta churakuna qoripita mësakuna,
20qoripita rurashqa candelërukuna (tsay candelërukunatam Lugar Santïsimupa frentinman churatsirqan David yätsinqannö tsaritsiyänanpä),
21wayta niraq adornukuna,
mechërukuna,
qoripita rurashqa tenäzakuna,
22mëchapa lliptanta jipinanpä taksha alicätikuna,
tazonkuna,
wishllakuna,
inciensiu qoshnitsikuna,
Lugar Santïsimuman yaykuna punkupa bisagrankuna
y templu punkupa bisagrankunapis.
Llapan tsaykunaqa qoripita rurashqam karqan.
Who We AreWhat We EelieveWhat We Do
2025 by iamachristian.org,Inc All rights reserved.
