1 Crónicas 23 - Bible in Quechua of South Conchucos（qxo）

Levitakunata templuchö aruyänanpä David churanqan

1David pasaypa rukuna karmi Israel runakunapa mandaqnin rey kananpä tsurin Salomónta churarqan.

14Tayta Diosta sirviq Moiséspita miraqkunapis levita runakunam kayarqan.

15Moiséspa tsurinkunam karqan Gersón y Eliezer.

16Gersónpa mayor tsurinpa jutinmi karqan Sebuel.

17Eliezerpa mayor tsurinpa jutinmi karqan Rehabías. Tsaypita masqa Eliezerpa tsurin mananam karqannatsu. Peru Rehabíaspam sïqa tsurinkuna atska kayarqan.

18Izharpa mayor tsurinpa jutinmi karqan Selomit.

19Hebrónpa mayor tsurinpa jutinmi karqan Jerías. Jeríaspa qepanmanmi yurirqan Amarías. Amaríaspa qepanmanmi yurirqan Jahaziel. Jahazielpa qepanmannam yurirqan Jecamán.

20Uzielpa mayor tsurinpa jutinmi karqan Micaías. Paypa qepanmanmi yurirqan Isías.

Meraripita miraqkuna

21Meraripa tsurinkunam karqan Mahli y Musi. Mahlipa tsurinkunam karqan Eleazar y Cis.

22Eleazarqa wanurqan ollqu tsurin manarä kaptinmi. Paypa warmi tsurinkunam tiyun Cispa tsurinkunawan churakäyarqan.

23Meraripa tsurin Musipam tsurinkuna kayarqan Mahli, Edar y Jeremot.

24Tsaynömi levita runakuna kayarqan.

Levitakuna templuchö imata rurayanqanpis

Levitakunata censarmi mayqan castapita kayanqantapis jutinpa jutinpa apuntayarqan. Tayta Diospa templunchö aruyänanpämi paykunata censayarqan ishkay chunka (20) watayuqpita janaman. Cada ünunmi castankunapa mandaqnin kayarqan.

25Davidnam nirqan: < yanapamarquntsik tranquïlu kawanantsikpä. Paymi Jerusalénchö imayyaqpis täranqa.

26Tsaymi levita runakuna Tinkuna Tolduta y tsaychö kaqkunata maypapis apayanqanatsu>>.

27David wanunanpäna kaykar ninqannöllam Tayta Diospa templunchö aruyänanpä levita runakunata ishkay chunka (20) watayuqpita janaman censayarqan.

28Levitakunaqa Tayta Diospa templunchömi Aarónpita miraq sacerdötikunata yanapayarqan. Tsaymi encargädu kayarqan templupa patiunta y tsaychö kaykaq cuartukunata cuidayänanpä. Tsaynöllam sagrädu manëjukunata awir purificayarqan. Templuchö kaqtaqa wakin ruraytapis paykunam rurayarqan.

29Tsaynöllam encargädu kayarqan fïlayllapa churanqan sagrädu tantapä, tsaki mikuy ofrenda jarinapä, levadüraynaq llapsha tantapä y sartinwan ankashqa ofrendakunapäpis. Tsaynöllam encargädu kayarqan templuchö imatapis midiyänanpä y pësayänanpä.

30Paykunam templuchö qoyay qoyay wäraypapis tardipapis Tayta Diosta agradëcikuyänanpä y alabayänanpä kayarqan.

31Jamay junaqchö, llullu killa fiestachö y jatun fiestakunachöpis paykunam Tayta Diospä sacrificiukunata rupatsiyaptin sacerdötikunata yanapayaq. Paykunam Tayta Diospa puntanchö imatapis sacerdötikuna niyanqanta rurayaq.

32Levitakunam encargädu kayarqan Tinkuna Tolduta y templutapis cuidayänanpä. Aarónpita miraq sacerdötikunapa poderninchö karmi Tayta Diospa templunchö llapantapis rurayarqan.