Salmo 132 - Bible in Quechua of South Conchucos（qxo）

Salmo 132 (131)Davidta awninqanta cumplinanpä Tayta Diosta mañakunqanKay salmuqa Jerusalénman aywaqkuna cantayänanpämi.

1 Tayta Dios, David imanö ñakanqantapis yarpaykullay.

2Jacob yärakunqan Tayta Dios, David awnishunqaykita yarpaykullay.

3Awnirmi nishurqayki:

<

punuytapis manam tarishätsu,

4manam yanqallatapis punushätsu,

manam ichikllatapis qemtsishätsu

5poderyuq Tayta Diospä sitiuta manarä tarirqa

y pay täkunanpä wayita manarä rurarqa>>.

6Efratachö kaykarmi Pactu Babulpita parlaqta wiyayarqä.

Jaar pampachömi tariyarqä.

7Tsaymi willanakur niyarqä:

<<¡Tayta Diospa wayinman aywashun!

¡Puntanman qonqurikushun!>>

8 Tayta Dios, täkunaykipä kaqman shamuykullay.

Poderösu babulniki kaqchö täkullay.

9Sirvishuqniki sacerdötikunapis llapan voluntäninwan sirviykuyälläshuy.

Munanqaykinö kawaqkunapis kushishqa alabaykuyäshuy.

10Sirvishuqniki David raykur akranqayki reyta yanapaykullay.

11Davidta promitinqaykitam imaypis cumplinki.

Promitirmi nirqayki:

<12Tsaynö kayanqa willakuynïta y pactu ruranqäta cumpliyaptinmi.

Tsaynöpam qampita miraqkuna trönuykichö imaypis rey kayanqa>>.

13 Tayta Diosmi Sión jirkanta akrashqa.

Tsaychö täränanpämi akrashqa.

14Tsaymi nirqan:

<

Kaychö trönü kananpämi akrarqü.

15Kaychö mikuy atska kananpämi bendicionnïta churashä.

Pobrikunapis pacha juntam mikuyanqa.

16Sacerdötikunapis respitashqam kayanqa.

Wiyamaqkunaqa kushishqam alabayämanqa.

17Kaychömi Davidpita miraqkunata rey kayänanpä churashä.

Akranqä kayaptinmi munayyuq kayänanpä yanapashä.

18Chikiqninkunataqa penqakuymanmi churashä.

Reyqa chipipiykaq corönan jatikushqam kanqa>>.