Salmo 142 - Bible in Quechua of South Conchucos（qxo）

Salmo 142 (141)Yanapananpä Tayta Diosta mañakunqan 1 (1) Machaychö pakakunqanta yarparmi kay salmuta David qellqarqan.1Sam. 22.1; 24.3.

1 1 (2) Tayta Dios, llapan kallpäwanmi yanapamänaykipä mañakamü.

Llapan shonqüwanmi kuyapämänaykipä rugakamü.

2 2 (3) Ima päsamanqantapis qamtam willä.

Llakikunqätapis qamtam willä.

3 3 (4) Shonqü llakikur malagäna kaptinpis qammi kushikatsimarqayki.

Purikunä näniman trampata churaqnömi mana alli ruraq runakuna llutankunaman ishkinäta munayan.

4 4 (5) Animatsimänanpä amïgüpis manam kantsu.

Janä shärinanpä manam pipis kantsu.

Noqataqa manam pipis yarpämantsu.

5 5 (6) Tayta Dios, qamta mañakurmi nï:

<>.

6 6 (7) Mañakamunqäta wiyaykallämay.

Kallpäpis manam kannatsu.

Chikimaqnïkunapita tsapaykallämay.

Paykunaqa noqapita mas kallpasapam kayan.

7 7 (8) Carcelchö kaykaqnömi kaykä.

Jutikichö alabanäpä jipiykallämay.

Yanapamanqaykipita kushikurmi yärakuq mayïkunawan alabashayki.