1Tantaykita yakuman jitay.
Waray warantinmi tsay jitanqaykita tarinki.
2Tsay ninqannölla imaykipis kanqanpita pïmaytapis yanapay.
Waray warantinkuna imapis päsashuptikim kikikitapis yanapashunki.
3Pukutay yanarrä juntaptinmi musyantsik tamyamunanpä kanqanta.
Qeru witsaypa ishkiptin o uraypa ishkiptinpis musyantsikmi ishkinqallanchö ushakänanpä kanqanta.
4Desiertupita vientu shamuptinmi musyantsik manarä murukunantsikpä kanqanta.
Lamarpita pukutay juntamuptinmi musyantsik manarä cosechanantsikpä kanqanta.
5Peru manam musyantsiktsu vientu maypa aywanqanta,
mamanpa pachanchö wamra imanö rurakanqanta
y imaykatapis kamaq Tayta Dios imata ruranqantapis.
6Tsaynöllam musyantsiktsu punta muruy o qepa muruy mas alli wayunanpä kanqanta.
Capazchi ishkanpis alli wayunqa.
Tsaynö kaptinqa puntata y qepatapis murukushun.
Jövinkunata yätsinqan7Atsikyay patsachö kawayqa pasaypa kushikuypämi.
8Atska wata kushishqa kawarpis wanurqa atsikyayta imaypis manam rikankinatsu. Manam musyankitsu wanur imanö kanaykipä kanqanta.
9Jövinkuna, jövinllarä kayanqaykiyaq shonquyki munanqannö kushishqa kawayay. Tantiyakuyay llapan rurayanqaykipitapis Tayta Dios juzgayäshunaykipä kanqanta.
10Jövinllarä kayanqaykipis päsaqlla kaykaptinqa mana rabyanaypa y jutsata mana ruraypa kawayay.
Who We AreWhat We EelieveWhat We Do
2025 by iamachristian.org,Inc All rights reserved.
