1 1 (2) Salvamaq Tayta Diosllä, paqaspa y junaqpa yanapamänaykipämi mañakamü.
2 2 (3) ¡Mañakamunqäta wiyaykallämay!
¡Rugakamunqäta awniykallämay!
3 3 (4) Pasaypam ñakaykä.
Wanuypis janächönam.
4 4 (5) Wanunäpäna kanqantam pïmaypis yarpäyan.
Manam kallpäpis kannatsu.
5 5 (6) Ayakuna jitaranqanchö jitaraqnömi kaykä.
Guërrachö wanutsishqa runa pamparaqnömi kaykä.
Dëjanqayki runanömi kaykä.
Pasaypa qonqanqayki runanömi kaykä.
6 6 (7) Mantsaypä marpumannömi pasaypa tsakayman jitarpamarquyki.
7 7 (8) Alläpa rabyar castigamaptikim imayka lamarpa ölanchö illakaqnö kaykä. Selah
8 8 (9) Llapan amïgükunata ñöpäpita qarquskiptikim japalläna kaykä.
Paykunaqa rikamaytapis manam munayannatsu.
Carcelchö wichqaraykaqnömi maypa qeshpiytapis puëdïtsu.
9 9 (10) Pasaypa waqaywanmi ñawïpis qaprayaykanna.
Tayta Dios, qoyay qoyaymi rugakamü.
Makïta joqarkurmi qamta rugakamü.
10 10 (11) Milagrukunata ruraptikipis ¿wanushqakuna rikayanqatsurä?
Pamparäyanqanpita agradëcikuyäshunaykipä ¿shäriyämunqatsurä? Selah
11 11 (12) Kuyakuq kanqaykipita ¿sepultürachö parlayanqatsurä?
Alli kanqaykita ¿ayakuna willanakuyanqatsurä?
12 12 (13) Wanuskirqa llapantam qonqaskiyanqa.
Allikunata ruranqaykita y espantaypä ruranqaykitapis ¿pirä yarpanqa?
13 13 (14) Tayta Dios, noqam sïqa yanapamänaykipä qamllata mañakamü.
Tsaka tsakallam qamta rugakamü.
14 14 (15) Tayta Dios, ¿imanirtä dëjaskamanki?
¿Imanirtä noqapita pakakunki?
15 15 (16) Jövin kanqäpitam pasaypa ñakar cäsi cäsi wanurqü.
Mana awantaypä castïgukunawanmi ñakatsimarquyki.
Mastaqa mananam awantayta puëdïnatsu.
16 16 (17) Alläpa rabyar castigamaptikim mantsakashqa kaykä.
17 17 (18) Ñakayllam imay hörapis tumapaykäman.
Ñakaykunawanmi yakuchö shenqaqnö kaykä.
18 18 (19) Amïgükunatapis y castäkunatapis ñöpäpita qarqurquykim.
Kananqa pasaypa tsakaykaqchönömi llakishqa kaykä.
Who We AreWhat We EelieveWhat We Do
2025 by iamachristian.org,Inc All rights reserved.
