2 Crónicas 16 - Bible in Quechua of South Conchucos（qxo）

Rey Ben-adadwan rey Asa parlayanqan 1 Reyes 15.16-22

1Asa kimsa chunka joqta (36) watana rey kaykaptinmi Israel runakunapa mandaqnin rey Baasa soldädunkunawan aywarqan Judá nacionta atacayänanpä. Ramá markata vinciskirmi tsay markaman soldädunkunata churar siguratsirqan Judápita tsayman pipis mana yaykunanpä ni tsaypita Judáman pipis mana yarqunanpä.

2Tsaymi Asaqa Tayta Diospa wayinchö y palaciunchö churaraykaq qorita y yuraq qellayta jipiskir Siria nacionpa mandaqnin rey Ben-adadman apatsirqan. Ben-adadqa Damascuchömi taykarqan. Tsaynö apatsirmi encargakurqan niyänanpä:

3< rurayanqannö noqantsikpis yanapanakunantsikpä pactuta rurashun. Yanapamänaykipämi apaykätsimü qorita y yuraq qellayta. Tsaynölla manana atacamänanpä Israel nacionpa mandaqnin rey Baasata amana yanapaynatsu> >>.

4Tsaynö mañakuptinmi rey Ben-adad awnir soldädunkunata y capitanninkunata mandarqan Israel nacionchö kaq markakunata atacayänanpä. Atacarmi qechuyarqan Ijón, Dan y Abel-maim markakunata. Neftalí trïbu runakuna täyanqanchö mikuy churakuna markakunatapis llapantam qechuyarqan.

5Tsay markakunata atacayanqanta musyaykurmi rey Baasaqa Ramá markachö cuartelta shäritsinanpä qoritsinqankunata dëjaskir aywakurqan.

6Tsaymi rey Asaqa llapan Judá runakunata Ramáman qayatsirqan. Chäyaptinmi Ramá markata siguraraq rumikunata y qerukunata Geba y Mizpa markakunaman apayarqan. Tsaykunawanmi tsay markakunata allitsatsir siguratsirqan.

7Tsay witsanmi Tayta Diospa profëtan Hanani Judá nacionpa mandaqnin rey Asa kaqman aywaykur nirqan: < yärakunaykipa rantin ¿imanirtä Siria nacionpa mandaqnin reyman yärakurquyki? Kananpitaqa tsay reyta manam imaypis vincinkinatsu.

8¿Manaku yarpanki Libia runakuna y Etiopía runakuna qorikaskir atska soldädunkunawan y atska caballunkunawan y carrëtankunawan atacayäshunaykipä shayämunqanta? Tsaynö kaykaptinpis Tayta Diosman yärakuptikim paykunata vinciyänaykipä yanapashurqayki.

9< kay patsachö llapan runakunatam rikaykan llapan shonqunwan payman yärakuqkunata yanapananpä. Ben-adad yanapashunaykipä pägarmi upanö rurarquyki. Tsaymi kananpitaqa guërrallachöna kanki>>.

10Tsaymi rey Asaqa pasaypa rabyar Tayta Diospa profëtanta carcelman prësu wichqatsirqan. Tsaynöllam Jerusalénchö täraq wakin runakunatapis pasaypa ñakatsirqan.

Rey Asa wanunqan 1 Reyes 15.23-24

11Rey Asa ruranqan qallanqanpita ushanqanyaq llapanmi Judá nacionpa y Israel nacionpa mandaqnin reykunapa acta librunchö qellqashqa kaykan.

12Kimsa chunka isqun (39) watana rey kaykaptinmi Asata chaki nanay tsariskirqan. Peru tsaynö qeshyarpis Tayta Diosman yärakunanpa rantinmi mëdicukunallaman yärakurqan.

13Chusku chunka juk (41) watana rey kaykarmi Asa wanurqan.

14Wanuskiptinnam Davidpa Markanchö kikin uchkutsinqan sepultüranman pampayarqan. Tsaypitam aya jananman wiñayarqan yachaq runakuna rurayanqan tukuy niraq perfümikunata y mushkuq jachakunata. Pampaskirnam wanuqpa jutinchö atska yantata pelarkur ninata tsaritsiyarqan.