Josué 22 - Bible in Quechua of South Conchucos（qxo）

Rubén, Gad y pullan Manasés trïbu runakuna herenciankunaman kutiyanqan

1Tsaypitanam Josuéqa Rubén trïbu, Gad trïbu y pullan Manasés trïbu runakunata qayaykur

2nirqan: < sirviqnin Moisés niyäshunqaykita llapantanam cumpliyarquyki. Noqa ninqäkunatapis llapantam cäsukuyarquyki.

3Kananyaqmi Israel mayintsikkunata mana dëjaypa yanapayarquyki. Tayta Diosnintsikpa mandamientunkunata llapantam cumpliyarquyki.

4Tsaymi kananqa Tayta Diosnintsik awnimanqantsiknölla Israel mayintsikkunata jamayman yaykatsishqa. Tsaynö kaykaptinqa Jordán mayuta päsar Tayta Diospa sirviqnin Moisés entregayäshunqayki herenciaykikunaman kutikuyay.Núm. 32.20-32; Jos. 1.12-15.

5Peru yätsimanqantsiknölla llapan yachatsimanqantsik leykunata mana qonqaypa cumpliyanki. Tayta Diosnintsikta kuyar pay munanqannölla llapayki kawayanki. Tsaynölla ninqankunata cumplir llapan shonquykikunawan y llapan voluntänikikunawan payta sirviyanki>>.

6Tsaynö yätsiskirmi alli kawayänanpä bendisaskir cada ünun wayinkunapa kutikuyänanpä Josué despacharqan.

7Jordán mayuta Israel runakuna manarä päsayaptinmi Basán partita pullan Manasés trïbu runakunata Moisés rakipurqan herenciankuna kananpä. Wakin Manasés trïbu runakunatanam herenciankunata Josué rakipurqan Jordán mayuta päsaskir. Tsay tsimpachömi wakin Israel runakunapis herenciata chaskiyarqan. Basán partiman kutiyänanpämi pullan Manasés trïbu runakunatapis bendisar Josué

8nirqan: <>.

9Tsaynö niptinmi Rubén trïbu, Gad trïbu y pullan Manasés trïbu runakuna Israel mayinkunawan Siluchö kaykäyanqanpita Galaadman kutikuyarqan. Moisésta Tayta Dios ninqannöllam paykunapa herenciankuna Galaadchö karqan.

Jordán mayu kuchunchö altarta rurayanqan

10Rubén trïbu, Gad trïbu y pullan Manasés trïbu runakunam kutiykäyanqanchö Jordán mayu kuchunman chaykur Canaánllachörä jatunkaray altarta pirqayarqan.

11Tsay altarta pirqayanqanta wakin kaq Israel runakuna musyaskirmi

12Tayta Diospa contran shäriyanqanta yarpäyarqan.Lev. 17.8-9; Deut. 12.5-7. Tsaymi altarta pirqaq runakunawan pelyaq aywayänanpä Siluman qorikäyarqan.

13Manarä pelyaq aywarmi sacerdöti Eleazarpa tsurin Fineesta Galaadman mandayarqan Rubén trïbu, Gad trïbu y pullan Manasés trïbu runakunawan parlayänanpä.

14Fineeswanmi Israel runakunapa chunka mandaqninkunapis aywayarqan. Paykunaqa cada trïbupa mandaqninkunam kayarqan.

15Galaadman chaykurmi Rubén trïbu runakunata, Gad trïbu runakunata y pullan Manasés trïbu runakunata niyarqan:

16< mana cäsuyanqaykita y imanir paypa contran shärir juk altarta rurayanqaykita.

17¿Manaku yarpäyanki jutsa ruraqkunata Peorchö Tayta Dios ushakätsinqanta?Núm. 25.1-9. Jutsata rurayanqanpita manam kananyaqpis shumaqllaqa purificashqarätsu kaykantsik.

18¿Imanirtä qamkunapis Tayta Diospa contran shärir tsay altarta rurayarquyki? Tsaynö rurayanqaykipitam Tayta Dios pasaypa rabyar llapantsikta castigamäshun.

19<< kanqanta yarparqa noqakuna täyanqä kaqman shakayämuy täyänaykipä. Tsaychömi Tayta Diospa Sagrädu Toldunpis kaykan. Shakamurqa noqakuna kaqchömi qamkunapis herenciaykikuna chaskiyanki. Peru imanö karpis juk altartaqa ama rurayankimantsu karqan. Juk altarta rurarqa Tayta Diosnintsikpa contran y noqakunapa conträkunam shäriykäyanki.

20Yarpäyay Zerapa tsurin Acán rupatsinanpä kaqkunata pakar jutsata ruranqanta. Tsaynö ruranqanpitam Tayta Dios llapantsikwan pasaypa rabyakurqan.Jos. 7.1-26. Acánqa manam kikillantsu jutsata ruranqanpita wanurqan, sinöqa wakin Israel mayintsikkunapis wanuyarqanmi> >>.

21Tsaynö niptinmi Rubén trïbu, Gad trïbu y pullan Manasés trïbu runakunaqa Israel mayinkuna mandayanqan mandaqkunata niyarqan:

22<<¡Tayta Diosllam Dios kaykan! ¡Paypita masqa manam Dios kantsu! Paypa contran mana shäriyanqätaqa Tayta Diosmi musyan. Juk diosta adorayta yarpar tsay altarta rurashqa kayaptïqa mana kuyapaypa wanutsiyämay.

23Tayta Diospa contran shärir rupatsina sacrificiuta, tsaki mikuy ofrendakunata o alli päsakuy sacrificiuta rupatsiyänäpä tsay altarta rurashqa kayaptïqa kikin Tayta Dios juzgayämätsun.

24< qamkunapapis Diosniki kanqanta?

25Noqakuna adorayanqä Tayta Diosmi Jordán mayuta churashqa rakimänantsikpä. Tsaymi qamkunaqa, Rubén trïbu y Gad trïbu kar, adorayanqä Tayta Diosta adorayankimantsu>. Tsaynö michäyaptinqa Tayta Diosta manam tsurïkuna adorayanqanatsu.

26<

27sinöqa noqakunapita miraqkuna Tayta Diosta imaypis mana qonqaypa adorayänanpämi. Tsaynöpam noqakunapita miraqkuna rupatsina sacrificiuta, alli päsakuy sacrificiuta y wakin sacrificiukunatapis Sagrädu Tolduman Tayta Diospä rupatsiq aywayaptin qamkunapita miraqkuna michäyanqatsu.

28Pipis tsaynö michaptinmi niyanqa: altarnin niraqta rurayanqanta. Tsay altarta rurarpis manam rupatsina sacrificiuta ni wakin sacrificiuta rupatsiyänäpätsu rurayarqan, sinöqa noqakunapis qamkunanö Tayta Diosta sirviyanqäta musyayänaykipämi>. Pipis michaptinmi tsaynö niyanqa.

29Noqakunaqa manam yarpäyätsu juk altarta rurarpis Tayta Diospa contran shäriyta. Tayta Diosnintsikpa altarnin Sagrädu Toldun ñöpanchö kaykaptinqa ¿imapänatä rupatsina sacrificiuta, tsaki mikuy ofrendata y wakin sacrificiuta rupatsiyänäpä juklächö altarta rurayäman?>>

30Tsaynö niptinmi sacerdöti Finees y Israel runakunapa mandaqninkunapis tantiyakuyarqan paykuna allita rurayanqanta.

31Tsaymi sacerdöti Eleazarpa tsurin Finees nirqan: < noqantsikwan kaykanqanta. Tsaynö kaptinqa Tayta Dios manam castigamäshuntsu>>.

32Tsaypitanam Finees y paywan aywaq runakuna Galaadpita Canaánman kutikuyarqan. Wakin Israel runakuna kaykäyanqanman chaykurmi Rubén trïbu runakuna y Gad trïbu runakuna imata niyanqantapis willayarqan.

33Tsaynö willaptinmi kushikurnin Tayta Diosta alabayarqan. Tsay junaqpitaqa mananam willanakuyarqannatsu Rubén trïbu runakunata y Gad trïbu runakunata ushakätsiq aywayänanpä.

34Rubén trïbu y Gad trïbu runakunam tsay altarta jutitsiyarqan Yarpätsikuq kananpä. Tsaynö jutitsir niyarqan: < adoraykanqantsikta>>.