1 1 (2) Tayta Dios, mañakamunqäta wiyaykallämay.
Rugakamunqäta chaskiykallämay.
2 2 (3) Qayakamuptï wiyaykallämay.
Pasaypa llakikuymi tsariman.
3 3 (4) Conträkuna jurapäyämaptinmi pasaypa mantsarï.
Jutsa ruraqkuna ñakatsiyämaptinmi llakishqa kaykä.
Paykunaqa imayka problëmamanmi jitarpayäman.
Pasaypa rabyarmi conträ shäriyan.
4 4 (5) Wanuyparämi mantsariy tsariman.
Shonqüpis pasaypam tiktikyaykan.
5 5 (6) Mantsakaywanmi tsuktsukyaykä.
Pasaypa mantsariymi tsarimashqa.
6 6 (7) Tsaymi yarpachakur nï:
<<¡Palumapanö imanöllarä älasnï yuriskinman!
Älasnïkuna kaptinqa karupa päriskirmi tranquïlu kaküman.
7 7 (8) Pärirmi karupa aywaküman.
Tranquïlum desiertuchöqa täküman. Selah
8 8 (9) Cörrillam ras qeshpir aywaküman.
Shukukuy vientupita y mangäda tamyapita pakakuqnömi pakaräküman>>.
9 9 (10) Conträkunatapis kikinkunapura rimanakuykaqta y pelyaykaqtam rikä.
Tayta Dios, paykunata ushakaykatsillay.
Willanakurpis amana tantiyanakuyätsuntsu.
10 10 (11) Paykunaqa paqaspa junaqpapis markata tumaparmi puriyan.
Llapanpis jutsa rurayllachömi kawayan.
11 11 (12) Cällikunachöpis wanutsinakur y llullapänakurmi kaykäyan.
12 12 (13) Conträ wajupämaptinqa manam cäsümantsu.
Chikimaqnï qatikachämaptinqa qeshpirmi pakaküman.
13 13 (14) Peru kuyanqä y yärakunqä amïgü kaykar conträ shäriptinmi sïqa pasaypa llakikü.
14 14 (15) Paywan juntum Tayta Diospa wayinmanpis aywayaq kä.
Juntum kushi kushi parlar puriyaq kä.
15 15 (16) Chikimaqnïkunaqa illaqpita wanuyätsun.
Paykunataqa kawaykaqta pampayätsun.
Jutsa rurayllapämi shonqunkunachöpis yarparäyan.
16 16 (17) Peru noqam sïqa Tayta Diosta mañakushä.
Paymi conträkunapa makinpita salvamanqa.
17 17 (18) Wäraypa, tardipa y paqaspapis Tayta Diostam waqar mañakushä.
Payqa mañakunqätam wiyamanqa.
18 18 (19) Conträ shäriyaptinpis paymi tsapämanqa.
Chikimaqnïkuna atskaq kayaptinpis paymi salvamanqa.
19 19 (20) Conträ runakunaqa jutsa rurayninkunata manam dëjayantsu.
Tayta Diospitapis manam mantsapakuyantsu.
Tsaynö kayaptinmi mañakunqäta wiyamar Tayta Dios penqakuyman churanqa.
Tayta Diosmi imayyaqpis rey. Selah
20 20 (21) Conträ shäriqkunaqa amïgunkunatapis maqayanmi.
Kuyanakur kawayänanpä awninakurpis manam cumpliyantsu.
21 21 (22) Paykunaqa alli shimillankunapam parlapäyan, peru shonqunkunachöqa amïgunpa contranmi shäriyan.
Mishki mishkilla parlanqanmi alli afilashqa cutsillunörä.
22 22 (23) Llapan llakikuynikikunata Tayta Diospa poderninman churayay.
Paymi imaykachöpis yanapashunki.
Cäsuqkunataqa manam imaypis dëjanqatsu.
23 23 (24) Tayta Dios, runa mayinta wanutsiqkuna y llullakuqkunaqa wallka watalla kawayätsun.
Jövinllarä kaykar wanuyätsun.
Noqaqa qamllamanmi imaypis yärakamü.
Who We AreWhat We EelieveWhat We Do
2025 by iamachristian.org,Inc All rights reserved.
