Ezequiel 28 - Bible in Quechua of South Conchucos（qxo）

Tiro markapa mandaqnin rey imanö kananpäpis ninqan

1 Tayta Diosmi nimarqan:

2<

<< nin:

Runalla kaykarmi pasaypa orgullösu kar nikanki:

<

Jamaraykäpis dioskuna jamaränanchömi.

Lamar chawpinchömi kaykäpis.

Dios yarpanqannömi noqapis yarpä>>.

<<

3¿Danielpitapis mas yachaqtsurä kanki?

¿Aja tantiyay kaqkunatapis llapantatsurä tantiyanki?

4Yachaq kaynikiwanmi imaykatapis tarir rïcuyarquyki.

Babulnikikunamanmi qellayta y qoritapis juntarquyki.

5Negociu rantikuyta yacharmi rïcuyarquyki.

Imaykaykikunapis atska kaptinmi pasaypa orgullösu tikrarquyki.

6<< nï:

Qammi nikanki juk diospanö yarpaynikipis kanqanta.

7Tsaynö kanqaykipitam jäpa runakunata atacayäshunaykipä mandamushä.

Paykunam alli yachaq kaynikiwan qorinqaykikunata y shäritsinqaykikunata ushakätsiyanqa.

Allish tukuykaqtam ushakätsiyäshunki.

8Illaqpita wanutsiyäshuptikim lamarchö shenqaypa wanuqkunanö qampis wanunki.

9Wanutsishuqniki runakunapa puntanchöpis ¿dios kanqaykitatsurä ninki?

Wakin runakunatanöllam wanutsiyäshunki.

10Llutan ruraqkunatanömi mana cäsumaq jäpa runakuna wanutsiyäshunki> >>.

Tayta Diosmi tsaynö nin.

11Tayta Diosmi nimarqan:

12<

<< nin:

Qamqa pïmaypis rikayänanpämi pasaypa yachaq y kuyayllapä karqayki.

13Tayta Diospa Edén huertanchömi tärarqayki.

Röpaykikunapis imaykaläya chipipiq rumikunawan bordashqam karqan.

Tsay kuyayllapä rumikunam karqan cornalina, topacio, jaspe, crisólito, berilo, ónice, zafiro, carbunclo y esmeralda.

Alhäjaykikuna y arëtikikunapis qorillapitam karqan.

Kamashunqayki junaqpitam llapan tsaykuna alistashqana karqan.

14<< cuidakuq kanaykipämi qamta churarqä.

Sagrädu jirkächö karmi chipipiykaq rumikuna chawpinchö puriq kanki.

15Kamanqä junaqpitam allillata rurar kawarquyki.

Tsaynö kaykarmi jutsa rurayman churakarquyki.

16Negociuyki alli yarqapäshuptikim mala mäña kayta yachakurquyki.

Tsaymi sagrädu jirkäpita qarqurqü.

Cuidakuq querubinnö kaptikipis chipipiykaq rumikuna chawpinchö kaykanqaykipitam qamta qarqurqü.

17<<

Pïmaypitapis alabashqa kar allish tukurmi yachaq kaynikitapis manakaqman churarquyki.

Kananqa mana cäsushqa kanaykipämi jaqirqü.

Reykuna asipäyäshunaykipämi qamta castigarqü.

18<<

Templuykitapis manakaqmanmi churarquyki.

Tsaymi qamta y makikichö kaqkunata llapanta penqakuyman churarqü.

Llapan runakunapis suwa allqutanömi rikayäshunki.

19Maytsay markachö llapan reqishuqnikikunam tsaynö kanqaykita rikar pasaypa mantsariywan äyakashqa quëdayashqa.

Pasaypa mantsariypämi ushakarquyki.

Manam pipis rikashunkinatsu> >>.

Sidón imanö kananpäpis ninqan

20 Tayta Diosmi nimarqan:

21< kaq lädupa rikaskir

22niy:

<< nin:

Sidón marka, contraykim kaykä.

Qamta castigaptïmi santu kanqäta pïmaypis musyayanqa.

Tsaynöpam Tayta Dios kanqäta musyayanki.

23<<

Contrayki soldädukunam qamchö taykaq runakunata maytsaychöpis espädawan wanutsiyanqa.

Entëru cällikikunachöpis yawarmi mashtaranqa.

Tsaynöpam Tayta Dios kanqäta musyayanqa.

24<<

Israel runakuna mananam kashakuna chawpinchö kaykaqnönatsu kayanqa.

Tsaynöpam Tayta Dios kanqäta musyayanqa.

25<< nin:

<<

Sirvimaqnï Jacobta unay entreganqä nacionmanmi kutitsimushä.

Kutitsimuptïmi maytsay nación runakuna santu kanqäta musyayanqa.

26Wayinkuna rurar, üvankuna plantarmi pipis mana wajupashqa tranquïluna tsaychö kawakuyanqa.

Mayqan nación runakunatapis Israel runakunata ñakatsiyaptinqa castigashämi.

Tsaynöpam Tayta Diosnin kanqäta Israel runakuna musyayanqa> >>.