Sofonías 3 - Bible in Quechua of South Conchucos（qxo）

Jerusalén runakunata castigananpä ninqan

1¡Allaw mana wiyakuq Jerusalén runakuna!

Qamkunaqa pasaypa jutsasapam kayanki.

Pïmaytapis pasaypam ñakatsiyanki.

2Qamkunaqa pï willayäshuptikipis manam wiyakuyankitsu.

Corrigiyäshuptikipis manam cäsuyankitsu.

Tayta Diosmanpis manam yärakuyankitsu.

Payta manam mañakuyllapis mañakuyankitsu.

3Mallaqaypita qayaraykaq leonkunanömi autoridänikikunapis kayan.

Jueznikikunapis imayka mallaqashqa atuqkuna tullullantapis mana dëjaqnömi kayan.

4Profëtaykikunapis mana respitakuq y engañakuqmi kayan.

Sacerdötikikunapis sagrädu templutam impüruyätsiyan.

Tayta Diospa leyninkunatapis manam cumpliyantsu.

5Tsaynö kayaptinpis Tayta Diosqa imaypis Jerusalénchömi kaykan.

Payqa manam imatapis llutantaqa rurantsu.

Cada wäraymi tantiyatsimantsik allillata ruraq kanqanta.

Peru tsaynö kaptinpis jutsa ruraq runakunaqa llutanta rurarmi penqakuyantsu.

6Tayta Diosmi nin:

<

Törrinkunatapis juchutsirmi ushakätsirqü.

Pipis manana puriptinmi cällinkunapis tsunyaykan.

Markankunapis llapanmi ushakashqa.

Tsaychöqa manam pipis täyannatsu.

7Tsaypitanam yarparqä:

llutan ruraykunata dëjayanqa.

Cäsuyämaptinqa paykunata manam ushakätsishätsu>.

Peru tsaynö yarpaykaptïpis paykunaqa jutsa rurayman churakashqam kaykäyan>>.

8Tsaymi Tayta Dios nin:

<<¡Allaw tsay runakuna!

Juzganä junaq imay karpis chämunqam.

Llapan nacionkunata qoriykurmi pasaypa rabyanätsiyämanqanpita castigashä.

Nina imaykatapis lunyaypa lunyar ushaqnömi kay patsachö täraqkunata llapanta ushakätsishä>>.

Runakunata salvananpä Tayta Dios promitinqan

9<

Tsaynöpam shumaq willanakur juk shonqulla sirviyämanqa.

10Mas karuchö täraq runakunapis yanapanäpämi mañakayämanqa.

Tsay runakunaqa Etiopía nacionchö kaykaq mayukunapita mas karuchömi taykäyan.

Tsaypitam ofrendankunata noqapä apayämunqa.

11Tsay witsanmi jutsata rurar kushikuqkunata qamkunapita qarqushä.

Sagrädu lömächö manam allish tukuyanqanatsu.

Jutsata manana rurarnam penqakuyanqanatsu.

12<

Paykunaqa noqallamannam yärakayämanqa.

13Israelchö kawaykar quëdaq runakunaqa mananam llutanta rurayanqanatsu.

Paykunaqa mananam llullakuyanqanatsu ni pitapis engañayanqanatsu.

Tranquïlu mikukuq üshakunanömi kayanqa.

Manam pipis paykunata mantsaritsinqanatsu>>.

14¡Sión runakuna, cantayay!

¡Israel runakuna, kushikuypita cantayay!

¡Jerusalén runakuna, llapan shonquykikunawan kushikuyay!

15 Tayta Dios mananam castigayäshunkinatsu.

Chikishuqnikikunatam qarqunqa.

Tayta Diosmi mandaqniki rey.

Qamkunawan kaykaptinqa manam imapitapis mantsariyankinatsu.

16Tsay witsanmi Jerusalén runakunata niyanqa:

<>

17Qamkunawanmi Tayta Dios kaykan.

Poderösu karmi salvayäshunki.

Kuyashurnikim mushuq kawayta qarayäshunki.

Qamkunapä pasaypa kushikurmi

18fiestata ruraqnö cantanqa.

Tayta Diosmi nin:

<

Manam penqakuypänatsu kayanki.

19Tsay witsanqa ñakatsishuqnikikunata kikïmi ushakätsishä.

Tsaypitanam oqrakashqa üshata qoriqnö maytsaypitapis qoriyämushayki.

Pakikushqa üshata jampiqnömi jampiyäshayki.

Manam pipis despreciayäshunkinatsu.

Tsaypa rantinqa yanapayäshayki maytsaychöpis respitashqa y alabashqa kayänaykipämi.

20Tsay witsanmi maytsaypitapis qoriyämushayki.

Juklä nacionkunaman apayäshuqnikikunapa rikay ñawin kutitsimuptïmi pïmaypis kushikur respitayäshunki.

Noqa Tayta Diosmi tsaynö nï>>.