Salmo 9 - Bible in Quechua of South Conchucos（qxo）

Salmo 9 (9a)Ñakaychö kaqkunata Tayta Dios yanapanqan 1 (1) Cantaqkunapa mandaqninpämi. Kënata y arpata tukayllapa cantayanki. David qellqanqan salmu.

1 1 (2) Tayta Dios, llapan shonqüwanmi alabashayki.

Espantaypä ruranqaykitam willakushä.

2 2 (3) Yanapamanqaykita tantiyarmi pasaypa kushikü.

Poderösu Tayta Diosllä, qamllatam imaypis alabashayki.

3 3 (4) Yanapamaptikim conträkuna qeshpiyan.

Qeshpiykäyanqanchömi wanuyanpis.

4 4 (5) Trönuykiman jamaykurmi conträkunata juzgarquyki.

Manakaqta niyämaptinpis favornïmi shärirquyki.

5 5 (6) Juk nación runakunatam ollqutuparquyki.

Jutsata rurar kawaq runakunatam wanutsirquyki.

Paykunataqa manam pipis yarpanqanatsu.

6 6 (7) Conträ runakuna llapanmi ushakäyashqa.

Markankunapis chipyaqmi ushakäyashqa.

Markankunapa jutinkunapis qonqakashqanam.

7 7 (8) Tayta Diosqa imayyaqpis mandamaqnintsik reymi.

Paymi trönunman jamaykur runakunata juzganqa.

8 8 (9) Llapan runakunatam imanöpis kawayanqanman juzganqa.

Llapan naciontam mayqanpapis favornin mana shäriypa juzganqa.

9 9 (10) Tayta Diosmi pobrikunapa favornin shärin.

Sufriyaptinpis paymi yanapan.

10 10 (11) Tayta Dios, ashishuqnikikunatam imaypis yanapanki.

Tsaymi makikichö kawaqkuna qamllaman yärakayämun.

11 11 (12) Siónchö täraq Tayta Diosta alabashun.

Yanapamanqantsikta maytsay nacionkunachöpis willakushun.

12 12 (13) Wanutsikuq runakunataqa Tayta Diosmi juzgan.

Sufriqkuna waqayanqanta wiyarmi yanapan.

13 13 (14) Tayta Diosllä, kuyapaykallämay.

Conträkuna sufritsimaptin yanapaykallämay.

Wanutsiyämänanpä ama dëjaykallämaytsu.

14 14 (15) Siónpa punkunkunaman aywaykurmi pïmaytapis alabayäshunaykipä willashä.

Salvamanqaykipitam kushishqa alabashayki.

15 15 (16) Juk nación runakunaqa kikin uchkunqan pözuman jeqaqnömi kaykäyan.

Trampata churayanqanman kikin ishkiqnömi kaykäyan.

16 16 (17) Tsaynöpam Tayta Dios tantiyatsimantsik mana cäsukuq runakunata castiganqanta.

Castigashqa kayänanpäqa kikinkunam jutsayuq kaykäyan. Higaión. Selah

17 17 (18) Jutsata rurar kawaq runakuna y Diosta mana cäsuq runakunaqa wanurmi ushakäyanqa.

18 18 (19) Pobrikunataqa Tayta Dios manam chipyaqtsu qonqanqa.

Imay karpis salvanqam.

19 19 (20) Tayta Dios, juklla yanapaykullay.

Runakuna llutanta rurayänanta ama dëjaykullaytsu.

Juk nación mana criyiq runakunata puntaykichö juzgaykullay.

20 20 (21) Tayta Dios, mantsakäyänanpä juzgaykullay.

Ushakaqlla kayanqanta tantiyaykatsillay. Selah