1 Samuel 5 - Bible in Quechua of South Conchucos（qxo）

Pactu Babulta filisteo runakuna tsararäyanqan

1Tayta Diospa babulninta filisteo runakuna qechuskirmi Eben-ezerpita Asdod markaman apayarqan.

2Tsaychömi Dagón jutiyuq diosninpa templunman yaykatsir Dagón ïdulupa ñöpanman churayarqan.

3Waraynin wäray Asdod runakuna templuman kutirmi babulpa ñöpanchö Dagón lätaraykaqta tariyarqan. Tsaynö tariykurmi jamaräkunanman yapay kutitsiyarqan.

4Tsaypita waraynin wäraypis Asdod runakuna kutirninmi Tayta Diospa babulninpa ñöpanchö Dagón lätaraykaqta yapay tariyarqan. Umantawan makinkunatanam tariyarqan punku yaykunachö pakishqa jitaraykaqta.

5Tsaymi kananyaq Asdod sacerdötikunapis ni mayqan runapis Dagón kanqan templuman yaykur punku yaykuna quiciunta jaruyantsu.

6Tsaynöllam Asdod runakunata y cercan markakunachö täraq runakunatapis chupu qeshyawan Tayta Dios castigarqan.

7Tsaynö castigaptinmi Asdod runakuna niyarqan: <>.

8Tsaymi filisteo autoridäkunata qayaykatsir tapuyarqan: <>

Tsaynö tapuyaptinmi niyarqan: <>.

Tsaynö niyaptinmi filisteo runakuna Gat markaman apayarqan.

9Tsayman apayaptinmi tsaychöpis runakunata Tayta Dios castigarqan mantsariypä chupu qeshyawan. Tsay qeshyam wamrakunapita qallaykur hasta rukukunayaq usharqan.

10Tsaymi Tayta Diospa babulninta Ecrón markamanna apayarqan. Chaykatsiyaptinmi tsaychö täraq runakuna pasaypa mantsarir niyarqan: <<¡Kayrächi kayllaqa! ¿Imapärä Israel runakunapa Diosninpa babulninta apapämarquntsik? ¡Kananqa llapantsiktam ushakätsimäshun!>>

11Tsay markachöpis Tayta Dios castigaptinmi runakuna pasaypa mantsariyarqan. Tsaymi Ecrón runakuna filisteo autoridäkunata qayaykatsir niyarqan: <>.

12Mana wanuqkunam entëru cuerpunchö chupu yuriptin pasaypa nanaywan qayaykachar waqayarqan.