1¡Qoripis yanayashqanam kaykan!
¡Mananam chipipinnatsu!
Templuta pirqanqan rumikunapis entëru cälli esquïnakunachömi jitaräyan.
Bet2Sión runakuna qori pürupitapis mas kuyaypämi kayashqa.
Kananqa mana yachaq runa ruranqan mitu mankanömi kayan.
Guímel3 Chacalkunapis wawankunata kuyarmi chuchuyan.
Peru kuyanqä runakunam sïqa desiertuchö täraq avestruznö wamrankunatapis kuyayantsu.Dálet
4Yakunaywanmi chuchuykaq wamrakunapa qallunpis tsakir palagarninman laqakan.
Wamrakuna mallaqar mañakuyaptinpis manam pipis kantsu imallatapis qarananpä.
He5Alli allillata mikuqkunapis kananqa mallaqaywanmi cällikunachö wanuykäyan.
Kuyayllapä wayichö wiñaqkunapis kananqa qanra jitakunachömi taykäyan.
Vav6Sodoma runakuna jutsata rurayanqanpitapis mas peormi marka mayïkuna jutsata rurayashqa.
Sodoma markaqa pipis mana atacaykaptinmi illaqpita ushakarqan.Zayin
7Rashta y lichi yuraq kanqannömi Jerusalén autoridäkunapis jutsaynaq y alli runakuna kayarqan.
Wera kayaptinmi ñawinkunapis saltanarqanrä.
Cärankunapis zafiro ruminörämi chipipirqan.
Jet8Kananqa pasaypa yanayashqam kaykäyan.
Cällikunachö purirpis mana reqiypämi kaykäyan.
Pasaypa uyu kayaptinmi tullunkunapis yupanakuykan.
Tet9Mallaqaywan wanuqkunaqa pasaypam ñakayarqan.
Peru guërrachö wanuqkunam sïqa alläpaqa ñakayashqatsu.
Yod10Jerusalénpita yarquyta mana puëdirmi pasaypa mallaqar wamrankunatapis mikuyashqa.
Kuyapäkuq warmikunapis wamrankunatam kusinayashqa.Caf
11Jerusalénta tsaynö castigarmi rabyayninta Tayta Dios päsatsishqa.
Sión markata ninawan rupatsirmi wayikunata cimientuntinta chipyaq ushakätsishqa.
Lámed12Maytsay nacionchö reykunapis ni pï runapis manam criyiyashqatsu chikimaqnintsikkuna Jerusalénta vinciskir yaykayämunanpä kanqanta.
Mem13Tsaynö llapanpis kashqa profëtakuna jutsata rurayanqanpita y sacerdötikuna mana allikunata rurayanqanpitam.
Tsaynöllam paykunaqa jutsaynaq runakunatapis wanutsiyashqa.Nun
14Tsay profëtakuna y sacerdötikunam kananqa cällikunachö qapranö tapra tapra puriykäyan.
Wanutsiyanqan runakunapa yawarninwan pichukushqa kayaptinmi pipis yatayllapis yataykuyta munantsu.Sámej
15Paykunata rikarmi runakuna niyan:
<<¡Qanra shonqu runakuna, ama yatayämaytsu!
¡Kaypita maypapis aywakuyay!>>
Tsaynö chikishqa karmi Jerusalénpita qeshpir maytsay nacionkunamanpis aywakuyashqa.
Tsay nacionkunachö täraq runakunapis niyanmi:
<
16Kikin Tayta Diosmi rabyarnin profëtakunatawan sacerdötikunata Jerusalénpita qarqushqa.
Paykunataqa manam yanapannatsu.
Tsaymi sacerdötikunatapis ni mayor runakunatapis respitayannatsu.
Ayin17Juklä nación soldädukuna yanapamänantsikpä shuyarashqapis manam shayämushqatsu.
Shuyarar rikachakuykashqallam ñawintsikpis tsakaskishqa.Tsade
18Chikimaqnintsikkuna rikarämashqam cälliman yarquytapis munarquntsiktsu.
Ushakänantsikpä höra chämuptinmi wanuypis janantsikchöna kashqa.
Qof19Anka pärinqanpitapis mas ras aywaqmi chikimaqnintsikkuna kayashqa.
Jirkakunapapis qatikachämarquntsikmi.
Tsunyaqpa qeshpishqapis shuyaraykämarquntsikmi.
Resh20 Tayta Dios akranqan mandamaqnintsik reytapis prësum tsariyashqa.
Paymi tsapämaqnintsik kashqa.
Pay rikamashqa mayqan nacionpis achäquita mana ashipämänantsikpä kanqantam yarparqantsik.
Sin/Shin21Uz partichö kaq Edom nación runakuna, ama kushipäyämaytsu.
Qamkunamanpis castïgu chämunqam.
Tsaymi machashqa qallapächu jitaraq runa penqakuypä kanqannö qamkunapis penqakuypä kayanki.
Tav22 Sión runakuna, castïguta chaskirquntsiknam.
Yapayqa mananam prësu apamäshunnatsu.
Peru edomita runakuna, qamkunatam sïqa jutsata rurayanqaykipita Tayta Dios castigayäshunki.
Paymi llapan jutsaykikunata shimpiyäshunki.
Who We AreWhat We EelieveWhat We Do
2025 by iamachristian.org,Inc All rights reserved.
