6 6 (7) Paykunaqa paqaspa kutimur imayka kanikuq allqunömi büllata rurar markata tumayan.
7 7 (8) Rabyarmi pushuqaytapis aqtuyanrä.
Mana wiyanqaykita yarparmi imayka mana allikunata parlayan.
8 8 (9) Tayta Dios, paykunataqa kushipankim.
Qamman mana yärakamuqkunatam asipanki.
9 9 (10) Qammi tsapämaqnï kanki.
Qammi imapitapis cuidamaqnï kanki.
10 10 (11) Qamqa kuyamaqnï Tayta Diosmi kanki.
Noqa musyämi yanapamänaykipä kanqanta.
Janä shärir pelyaptikim chikimaqnïkunata vincinqaykita rikashä.
11 11 (12) Tsay runakunata llapantaqa ama wanuykatsillaytsu.
Podernikiwan maytsaypapis qarquykullay.
Tsaynöpam castiganqaykita imaypis qonqäyäshätsu.
¡Tayta Dios, tsapämaqnï escüdümi kanki!
12 12 (13) Paykunaqa imata parlarpis mana allitam parlayan.
Runa tukuyanqanpita y llullakuyanqanpita ima mana allipis päsatsun.
13 13 (14) Rabyaynikiwan chipyaypa ushakaykatsillay.
Paykunataqa chipyaypa illakaykatsillay.
Tsaynöpam pïmaypis musyanqa Jacobpa mirayninchö y maytsay nacionchöpis rey kanqaykita. Selah
14 14 (15) Tsay mana alli ruraq runakunaqa paqaspa kutimurmi imayka kanikuq allqunö büllata rurar markata tumayan.
15 15 (16) Wakpa kaypam mikuyta ashir puriyan.
Mikuyta tariyanqanwan pachan mana juntaptinmi allqu aullaqnörä qayaräyan.
16 16 (17) Peru noqam sïqa poderösu kanqaykipita cantapäshayki.
Kuyakuq kanqaykipitam cada wäray alabashayki.
Qammi imapitapis tsapämaqnï kanki.
Qammi llakikunqä höra pakakunä kanki.
17 17 (18) Tayta Dios, qamtam alabashayki.
Qammi tsapämaqnï y pakakunä kanki.
Qammi kuyamaqnï Dios kanki.
Who We AreWhat We EelieveWhat We Do
2025 by iamachristian.org,Inc All rights reserved.
