1Hïju, yätsinqäkunata shumaq wiyakuy.
Yachatsinqäkunata imaypis yarparay.
2Tsaynöpam shumaq tantiyaykur imatapis parlanki.
3Mañösa warmi parlanqanqa abëjapa mishkinnörä mishkirmi pitapis ras inkitan.
4Peru paywan kakurqa pasaypa desgraciamanmi chanki.
Ishkan waqtanpa afilashqa espädawan tuksishqanömi kanki.
5Manaräpis aykätam ushakanki.
Wanuypis janaykichönam kanqa.
6Tsay warmiqa alli kawananpäpis manam yarpachakuntsu.
Imanö kawaykanqantapis manam tantiyakuntsu.
7Hïju, yätsinqäkunata shumaq wiyamay.
Yachatsinqäkunata mana qonqaypa yarparay.
8Mañösa warmipitaqa witikuy.
Ama ni wayi punkullanmanpis witiytsu.
9Mañösa warmiwan kakuptikiqa llapan imaykaykikunapis jukpämi kanqa.
Mana alli runakunapa makinchömi wanunqaykiyaq ñakanki.
10Ñakar arunqaykipis mana reqinqayki runakuna rïcuyänanpämi kanqa.
Arupakur tarinqaykipis jukllapämi kanqa.
11Tsaymi waray warantin rukuyar llakikurnin waqanki.
12Tsaynö ñakarmi ninki: <<¿Imanirrä corrigimanqanta cäsukurqätsu?
¿Wanushqatsurä karqä yätsimanqanta mana chaskikunäpä?
13Yachatsimaqnïkunatapis manam wiyarqätsu.
Tantiyatsimaqnïkunatapis manam cäsurqätsu.
14Pïmaypis rikaykämanmi desgracia päsamanqanta.
Llapan imaykätapis ichikllapam oqraykurqü>>.
15Warmillaykiwan contentakunki.
Payqa tsuya pukyuykinömi kaykan.
Tsay pukyullaykipita upukunki.
16Cällikunapa y pläzakunapa aywaq yakuta mana upunqaykinö juk warmiwanqa ama kakuytsu.
17Tsaypa rantinqa warmillaykiwan kakuy.
18Tayta Dios entregashunqayki warmiqa bendicionmi qampä kaykan.
Tsaynö kaptinqa jövin kaykar täyanqayki warmillaykiwan contentakunki.
19Payqa kuyayllapä lluytsunömi kaykan.
Kuyashunqaykillawan imaypis contentakunki.
20Hïju, warmiyuq kaykar ¿imanirrä juk warmiwan kakunkiman?
¿Imanirrä mana warmiki kaykar makallaräshunkiman?
21 Tayta Diosmi imanö kawanqantsiktapis musyan.
Payqa imata ruranqantsiktapis rikaykanmi.
22Jutsa ruraqkunaqa jutsankunapitam ñakayan.
Jutsata rurayanqanpitam waskawan watashqanö kayan.
23Mana wiyakuq kayanqanpitam wanuyanqa.
Mana tantiyakuq kayanqanpitam ushakäyanqa.
Who We AreWhat We EelieveWhat We Do
2025 by iamachristian.org,Inc All rights reserved.
