1 Crónicas 1 - Bible in Quechua of South Conchucos（qxo）

Adánpita miraqkuna Génesis 5.1-32

1Adánpa tsurinmi karqan Set, Setpa tsurinmi karqan Enós,

2Enóspa tsurinmi karqan Cainán, Cainánpa tsurinmi karqan Mahalaleel, Mahalaleelpa tsurinmi karqan Jared,

3Jaredpa tsurinmi karqan Enoc, Enocpa tsurinmi karqan Matusalén, Matusalénpa tsurinmi karqan Lamec,

4Lamecpa tsurinnam karqan Noé.

Noépita miraqkuna Génesis 10.1-32

Noépa tsurinkunam kayarqan Sem, Cam y Jafet.

5Jafetpa tsurinkunam kayarqan Gomer, Magog, Madai, Javán, Tubal, Mesec y Tiras.

6Gomerpa tsurinkunam kayarqan Askenaz, Rifat y Togarma.

7Javánpa tsurinkunam kayarqan Elisa, Tarsis, Quitim y Dodanim.

8Campa tsurinkunam kayarqan Cus, Mizraim, Fut y Canaán.

9Cuspa tsurinkunam kayarqan Seba, Havila, Sabta, Raama y Sabteca. Raamapa tsurinkunam kayarqan Seba y Dedán.

10Nimrodpis Cuspa tsurinmi karqan. Paymi kay patsachö mas puntata runakunata poderninchö tsarararqan.

11Mizraimpita miraqkunam kayan ludeo runakuna, anameo runakuna, lehabita runakuna, naftuhita runakuna,

12patruseo runakuna, casluhíta runakuna y caftorita runakunapis. Caftorita runakunapitam filisteo runakuna mirayarqan.

13Canaánpa mayor tsurinmi karqan Sidón. Paypa qepanmanmi karqan Het.

14Canaánpita miraqkunam kayan jebuseo runakuna, amorreo runakuna, gergeseo runakuna,

15heveo runakuna, araceo runakuna, sineo runakuna,

16arvadeo runakuna, zemareo runakuna y hamateo runakunapis.

17Sempa tsurinkunam kayarqan Elam, Asur, Arfaxad, Lud y Aram. Arampa tsurinkunam kayarqan Uz, Hul, Geter y Mesec.

18Arfaxadpa tsurinmi karqan Sela. Selapa tsurinmi karqan Heber.

19Heberpa tsurinkuna ishkaymi karqan. Mayor tsurinpa jutinmi karqan Peleg. Tsaynöqa jutin karqan pay kawanqan witsan runakuna chikinakur wakpa kaypa aywakuyanqanpitam. Qepa kaq tsurinpa jutinmi karqan Joctán.

20Joctánpa tsurinkunam kayarqan Almodad, Selef, Hazar-mavet, Jera,

21Adoram, Uzal, Dicla,

22Ebal, Abimael, Seba,

23Ofir, Havila y Jobab. Paykunam Joctánpa tsurinkuna kayarqan.

Sempita miraqkuna Génesis 11.10-26

24Sempita Abramyaq miraqkunam kayarqan Sem, Arfaxad, Sela,

25Heber, Peleg, Reu,

26Serug, Nacor, Taré

27y Abram. Abrampa jukaq jutinmi karqan Abraham.

Ismaelpita miraqkuna Génesis 25.12-18

28Abrahampa tsurinkunam kayarqan Isaac y Ismael.

29Ismaelpa mayor tsurinmi karqan Nebaiot. Paypa qepanmanmi yurirqan Cedar, Adbeel, Mibsam,

30Misma, Duma, Massa, Hadad, Tema,

31Jetur, Nafis y Cedema. Paykunam Ismaelpa tsurinkuna kayarqan.

Ceturapita miraqkuna Génesis 25.1-6

32 Concubïnan Ceturachömi Abrahampa tsurinkuna kayarqan Zimram, Jocsán, Medán, Madián, Isbac y Súa. Jocsánpa tsurinkunam karqan Seba y Dedán.

33Madiánpa tsurinkunanam kayarqan Efa, Efer, Hanoc, Abida y Elda. Paykunam Cetura warmipita miraqkuna kayarqan.

Esaúpita miraqkuna Génesis 36.1-19

34Abrahampa tsurinmi karqan Isaac. Isaacpa tsurinkunam karqan Esaú y Israel.

35Esaúpa tsurinkunam kayarqan Elifaz, Reuel, Jeús, Jaalam y Coré.

36Elifazpa tsurinkunam kayarqan Temán, Omar, Zefo, Gatam y Cenaz. Timna warminchönam yurirqan Elifazpa tsurin Amalec.

37Reuelpa tsurinkunam kayarqan Nahat, Zera, Sama y Miza.

Edomchö täraq Seirpita miraq horeo runakuna Génesis 36.20-30

38Seirpa tsurinkunam kayarqan Lotán, Sobal, Zibeón, Aná, Disón, Ezer y Disán.

39Lotánpa tsurinkunam karqan Hori y Hemam. Lotánpa paninmi karqan Timna.

40Sobalpa tsurinkunam kayarqan Alván, Manahat, Ebal, Sefo y Onam. Zibeónpa tsurinkunam kayarqan Ajawan Aná.

41Anápa tsurinmi karqan Disón. Disónpa tsurinkunam kayarqan Amram, Esbán, Itrán y Querán.

42Ezerpa tsurinkunam kayarqan Bilhán, Zaaván y Jaacán. Disánpa tsurinkunam kayarqan Uz y Arán.

Edomchö mandaq reykuna Génesis 36.31-43

43Israel nacionchö rey manarä kaptinmi Edom nacionchöqa reykuna kayarqanna. Kaychömi tsay reykunapa jutinkuna qellqashqa kaykan:

Juk reymi karqan Beorpa tsurin Bela. Belapa markanmi karqan Dinaba.

44Bela wanuskiptinnam Zerapa tsurin Jobab rey karqan. Payqa Bosra markapitam karqan.

45Jobab wanuskiptinnam paypa trokin rey karqan Husam. Payqa temanita runakuna täyanqanpitam karqan.

46Husam wanuskiptinnam paypa trokin rey karqan Bedadpa tsurin Hadad. Paymi Moab partichö madianita runakunata wanutsirqan. Hadadpa markannam Avit karqan.

47Hadad wanuskiptinnam paypa trokin rey karqan Samla. Payqa Masreca markapitam karqan.

48Samla wanuskiptinnam rey karqan Saúl. Payqa Éufrates mayu ñöpanchö kaykaq Rehobot markapitam karqan.

49Saúl wanuskiptinnam rey karqan Acborpa tsurin Baal-hanán.

50Baal-hanán wanuskiptinnam rey karqan Hadad. Payqa Pai markapitam karqan. Hadadpa warminpa jutinmi karqan Mehetabel. Mehetabelqa karqan Matredpa tsurin y Mezaabpa willkan.

51Hadad wanuskiptinmi edomita runakunapa mandaqnin rey kayarqan Timna, Alva, Jetet,

52Aholibama, Ela, Pinón,

53Cenaz, Temán, Mibzar,

54Magdiel y Iram. Paykunam edomita runakunapa mandaqnin reykuna kayarqan.