Isaías 1 - Bible in Quechua of South Conchucos（qxo）

Judá runakuna jutsasapa kayanqan

1Kaychömi qellqashqa kaykan Judá nacionchö y capitalnin Jerusalénchö taykaq runakunapä Amozpa tsurin Isaíasta Tayta Dios revelanqan. Tayta Diosmi revelarqan Judá nacionchö Uzías,

4¡Allaw jutsasapa runakuna, imanörä kayanki!

Qamkunaqa jutsata rurallarmi kaykäyanki.

Jutsa rurayllatam papänikikunapis yachatsiyäshunki.

Llutan ruraq runakuna karmi Tayta Diosta cäsuyankitsu.

Israel runakunapa santu Diosnintam rabyatsiyarquyki.

5¿Imanirtä mas castigashqa kayta munayanki?

¿Imanirtä kananyaqpis mana cäsukuq kayanki?

Pasaypa castigaptïmi umaykikuna pakishqa kaptin juiciuykikunapis kantsu.

6Chaki puntaykipita uma jirkaykiyaq manam sänu kantsu.

Entëru cuerpuykikunam qerillana, qoyuy qoyuyllana, poqrur jakashqa kaykan.

Manam ni pipis jampiyäshurqaykitsu ni watapäyäshurqaykitsu.

Nanayniki päsananpä manam aceitillawanpis jampiyäshurquykitsu.

7Nacionnikikunapis tsunyaqmi tikrashqa.

Markaykikunatapis rupatsirmi ushayashqa.

Rikaraykäyaptikim murukuyanqaykitapis jäpa runakuna mikuyan.

Juklä nacionpita shamurmi imaykaykikunatapis tariyanqan kaqta ushakätsiyan.

8 Siónqa üva chakrachö y melón chakrachö tsukllanömi quëdashqa.

Soldädukuna jiruruypa tsapashqa markanö kaptinmi pïninpis yanapananpä kantsu.

9Llapanta mandaq Tayta Dios juk ishkayllatapis kawaykaqta mana dëjamashqaqa Sodomanö y Gomorranömi

11 Tayta Diosmi nin:

<<¿Imapänatä tsaytsika sacrificiukunata altarchö rupatsiyanki?

Carnërukunata sacrificiupä rupatsiyaptiki ajayarqünam.

Ashmakunapa wiranta altarchö rupatsiyaptiki ajayarqünam.

Manam munätsu törukunapa, üshakunapa ni chïvukunapa yawarninta jichar sacrificiupä rupatsiyanqaykitapis.

12¿Imapänatä ñöpämanpis shayämunki?

¿Pitä niyäshurquyki templüpa patiuntapis qanratar shayämunaykipä?

13Tsaki mikuy ofrendakunatapis ¿imapänatä apayämunki?

Apayämuptikipis manakaqllapämi kanqa.

Inciensiuta qoshnitsiyanqaykipis melanätsimanmi.

Llullu killa fiestata rurayanqaykipis,

jamay junaqchö jamayanqaykipis

y cada wata qorikaykur fiestakunata rurayanqaykipis

jutsata rurayaptikim gustamantsu.

14Llullu killa fiestata rurayanqaykita y cada wata fiestakunata rurayanqaykita pasaypanam ajayarqü.

Tsaykunata rikaytapis mananam munänatsu.

15Makikikunata joqarkur mañakayämaptikipis jukläpam tumakurishä.

Kutin kutin mañakayämaptikipis manam wiyayäshaykinatsu.

Qamkunam runakuna wanuyänanpäpis jutsayuq kayanki.

16<<¡Limpiu kayänaykipä mayllakuyay!

¡Llutan ruraykunata dëjayayna!

Mana allikunata amana rurayaynatsu.

17Tsaypa rantinqa allitana rurayay.

Demandukunata shumaq arreglayay.

Pobrikunata yanapayay.

Waktsakuna quejakuyanqanta shumaq arreglayay.

Viüdakunatapis yanapayay>>.

18 Tayta Diosmi nin:

<

Jutsaykikuna puka kaptinpis rashtanörämi yuraq kayanki.

Granätiman tiñishqanörä kaptinpis yuraq millwanörämi kayanki.

19Ninqäta cäsurqa chakraykikunachö mikuy wayuqtapis allin kaqtam mikuyanki.

20Peru mana cäsukurmi sïqa guërrachö espädawan wanuyanki>>.

Tayta Diosmi tsaynö nin.

Jerusalénta Tayta Dios juzgananpä ninqan

21Jerusalén marka, Tayta Diosta cäsuq kaykarqa ¿imanöpatä prostitütanö tikrarquyki?

Prostitüta warmi atskaq runawan kakunqannömi qampis atska dioskunata sirvirquyki.

Unayqa leynïkunata cäsurmi pïmaytapis yanapar kawarqayki.

Kananqa wanutsikuqmanmi tikrarquyki.

22Alli qellaynö kashqa karpis kananqa mana väliq qellaynömi kanki.

Alli vïnunö kashqa karpis kananqa yakun yapashqa vïnunömi kanki.

23Autoridänikikunapis Tayta Diosta manam cäsuyantsu.

Suwakuqkunapa janan shärirmi sobornuta chaskipakuyan.

Ima demandullatapis arreglayänanpämi cobrayan.

Waktsakunata manam respitatsiyantsu.

Viüdakuna demandakuyaptinpis manam cäsuyantsu.

24Tsaymi llapanta mandaq Tayta Dios nin:

<

Chikimaq kaqtaqa llapaykikunatam castigayäshayki.

Conträ shäriq kaqtaqa llapaykikunatam ushakätsiyäshayki.

25Makïtaqa llapaykikunam yawayanki.

Qanra kayanqaykitapis lijyawan mayllaqnömi awiyäshayki.

Limpiu kayänaykipämi llapan qanraykikunata jichkashä.

26<

Tantiyatsiyäshuqnikikunapis unay kanqannömi yapay alli kayanqa.

Tsaymi Jerusalénpä niyanqa:

Tsaychöqa Tayta Dios munanqannömi kawayan> >>.

27Awninqannöllam Sión runakunata Tayta Dios salvanqa.

Jutsata rurayanqanta dëjaskir cäsuyaptinqa paykunata manam ushakätsinqanatsu.

28Peru mana cäsukuqkunawan jutsa ruraqkunam sïqa wanuyanqa.

Tayta Diosta mana cäsuqkunapis llapanmi ushakäyanqa.

29Jerusalén runakuna, encina munti chakinchö y jardinkunachöpis ïdulukunata adorayanqaykipitam penqakuyanki.

Kuyayanqayki ïdulukunata adorayanqaykipita penqakurmi pukayaykachäyanki.

30Tayta Dios castigashuptiki qarwashtashqa encina qerunö y yakunpita tsakiykaq huertanömi kayanki.

31Tsaki oqshaman chispa char rupanqannömi kallpasapa runatapis Tayta Dios ushakätsinqa.

Mana upiq nina imatapis ushanqannömi llapan ruranqantawan tsay runata ushakätsinqa.