1< Imata yätsinqätapis shumaq tantiyamay. 2Shumaq tantiyakuskirmi parlamushä. 3Llapan shonqüwanmi rasun kaqllata tantiyatsishayki. Llapan yarpanqäkunatam nishayki. 4Llapanpä poderyuq Tayta Dios kamamar jamayta qaramashqa kaykaptinqa tantiyatsinqäta shumaq wiyamay. 5Noqaqa listum kaykä qamwan parlanäpä. Puëdirqa ninqäta contestamanki. 6< Ishkantsikpis allpallapitam kantsik. 7Tsaynö kaykaptinqa mantsakar ama yarpachakuytsu. Ninqäkunaqa manam qallayänaykipätsu. 8< Tsaychömi nirquyki: 9 Imatapis llutantaqa manam rurarqätsu>. 10< Noqataqa rikaykäman contran runatanömi. 11Chakïtapis cadënawan watashqatanömi tsararaykäman. Imanö kawanqätapis rikaraykämanmi>. 12< Llapan runakunapitapis Tayta Dios mas yachaq kaykaptinqa 13imanir castigashunqaykita mana tantiyatsishuptikipis ama qallayaytsu. 14Tayta Diosqa mana tantiyashqapis imaykanöpam yarpanqanta tantiyatsimantsik. 15Cämantsikchö pununqantsik höram tantiyatsimantsik, 16parlapämantsik y consejamantsik. 17Tsaynö yätsimantsik jutsa ruraykunata dëjanantsikpä, yachaq tukuq mana kanantsikpä 18y wanuypita salvakunantsikpämi. 19< 20Tsaynö qeshyarmi mikuypa gustuntapis tarintsiktsu. Mayjina alli mikuypis gustuynaqmi kaykan. 21Qeshyar ujurarqa pasaypam uyutantsik. Tsaymi custillantsikkunapis yupanakun. 22Tsaynö karmi häbiturkuyllapäna kaykantsik. Wanuyllatanam shuyaraykantsik. 23< 24Wanuypita salvamänantsikpä tsay ángel päguta apar Tayta Diosta rugaptinqa 25Tayta Dios allïtsimäshunmi. Allïtsimashqaqa jövin kanqantsikmanmi kutishun. Cuerpuntsikpis wamra kanqantsikmanmi kutinqa. 26Tsaynöllam mañakunqantsikkunatapis Tayta Dios awnimäshun. Ñöpata yanapamanqantsiknömi yapay yanapamäshun. Tsaymi Tayta Diospa cäranta rikaqnö pasaypa kushikushun. 27< Peru tsaynö kaykaptïpis manam jutsata ruranqämannötsu Tayta Dios castigamashqa. 28Wanuypita salvamaptinmi atsikyaq patsata rikar kushikü>. 29< 30Wanuypita tsaynö salvamashqam kawayta tarintsik. 31< 32Peru imatapis nimänaykipä kaptinqa kanan nimay. Nimanqayki alli kaptinqa chaskikushämi. 33Imapis nimänaykipä mana kaptinqa upällalla kakuy. Yachaq kanaykipämi yachatsishayki>>.
Who We AreWhat We EelieveWhat We Do
2025 by iamachristian.org,Inc All rights reserved.