Salmo 83 - Bible in Quechua of South Conchucos（qxo）

Salmo 83 (82)Chikiqninkunata ushakätsinanpä mañakunqan 1 (1) Cantanantsikpämi. Asaf qellqanqan salmu.

1 1 (2) Tayta Dios, favornïkuna shäriykullay.

Ama upällalla rikaräyämaytsu.

2 2 (3) Chikishuqniki runakunam wajupäyäman.

Contraykim qampapis shäriyan.

3 3 (4) Kuyanqayki runakuna kaykäyaptïpis atacayämänanpämi willanakuykäyan.

Cuidanqayki runakuna kayaptïpis conträkunam shäriyan.

4 4 (5) Tsay runakunam niyan:

<

Israel runakunapä pipis mana yarpänanpä chipyaq ushakätsishun>>.

5 5 (6) Llapanmi contrayki shäriyänanpä juk yarpaylla willanakuyashqa.

6 6 (7) Paykunam kayan edomita runakuna, ismaelita runakuna, moabita runakuna y agareno runakuna.

7 7 (8) Tsaynöllam kayan Gebal runakuna, amonita runakuna, amalecita runakuna, filisteo runakuna y Tiro runakuna.

8 8 (9) Lotpita miraqkunatam

9 9 (10) Paykunata wanutsiy madianita runakunata unay wanutsinqaykinö.

Paykunata ushakätsiy Sísarata y Jabínta Cisón raqra lädunchö ushakätsinqaykinö.

10 10 (11) Endorchömi paykunata ushakätsirqayki.

Ayankunapis tsaychömi ismur ushakäyarqan.

11 11 (12) Paykuna respitayanqan runakunata wanutsiy Orebta y Zeebta wanutsinqaykinö.

Mandaqnin reykunatapis wanutsiy Zebata y Zalmunata wanutsinqaykinö.

12 12 (13) Paykunam entregayämanqayki nacionta qechuyämayta munayarqan.

13 13 (14) Tayta Diosllä, shukukuy vientu imaykatapis ushanqannö conträ shäriq runakunata ushakaykatsillay.

Vientu apanqan tsaki päjanö kaykuyällätsun.

14 14 (15) Muntita nina rupar ushaqnö y jirkapa nina lätaypa lätar aywaqnö

15 15 (16) qampis mangäda tamyaykiwan qatikachay y shukukuy vientuykiwan mantsakätsiy.

16 16 (17) Paykunata pasaypa penqakuyman churaykullay.

Tayta Dios, poderyuq kanqaykita musyayänanpä tsaynö ruraykullay.

17 17 (18) Imaypis penqakushqa y mantsakashqa kayätsun.

Tsaynö puriykäyanqanchö ushakäyätsun.

18 18 (19) Qam japallayki poderösu Tayta Dios kanqaykita llapanpis musyaykuyällätsun.

Kay patsachö llapanpä poderyuq kanqaykita tantiyaykuyällätsun.