Isaías 48 - Bible in Quechua of South Conchucos（qxo）

Israel runakuna mana cäsukuq kayanqan

1Jacobpita miraq Israel runakuna, ninqäta wiyayämay.

Qamkunaqa Tayta Diospa jutinchömi imatapis awniykäyanki.

Tsaynöllam kuyashuqniki Diosta sirviyanqaykita nikäyanki.

Tsaynö nirpis janan shonqullam paypa jutinta joqariyanki.

2Qamkunaqa niyanki sagrädu Jerusalénchö tärarnin kushikuyanqaykitam.

Tsaynöllam niyanki kuyashuqniki Tayta Diosman yärakuyanqaykita.

Paypa jutinqa llapanta mandaq Yahwehmi.

3Tayta Diosmi nin:

<

Willakatsinqänöllam llapanpis illaqpita päsashqa.

4Musyämi rumi shonqu kayanqaykita, kunkaykikunapis fiërrunö chukru kanqanta y urkuykikunapis broncinö chukru kanqanta.

5Tsaynö kayaptikim ima päsananpä kaqkunata unayna willakatsirqä.

Willakatsinqänö päsaptinmi musyayanki takaypa y fundiypa ruratsiyanqayki ïdulukuna ima päsananpä kaqtapis mana musyayanqanta.

6Willakatsinqänö päsanqanta wiyaykar y rikaykarqa ¿imanirtä tantiyayankitsu rasun kaqta ninqäta?

<

Tsayqa mana musyayanqayki kaqkunam kaykan.

7Tsaytaqa imaypis manam yarpäyarquykitsu ni wiyayarquykitsu.

Tsaymi niyankitsu.

8Tsaytaqa manam imaypis wiyayarquykirätsu.

Kananyaqpis manam musyayarquykirätsu.

<

Kullu rinri karmi ïdulukunata adorar imaypis cäsuyämarquykitsu.

9Tsaynö kayaptikipis adorayämänayki raykurmi rabyarpis awantakurqü.

Alabayämänayki kaptinmi pacienciakur qamkunata ushakätsirqütsu.

10<

Jornuchö tsullutsir yuraq qellaypa qanranta jipiqnömi jutsaykikunapita mayllarqü.

11Juk dioskunata adorayänaykipa rantin noqata adoramänaykipämi perdonarqü.

Manam munätsu juk dioskunata adorar manakaqman churayämänaykita>>.Kuyanqan runakunata salvananpä Tayta Dios ninqan

12<

Qayanqä Israel runakuna, wiyayämay.

Noqa japallämi Dios kä.

Unaypita imayyaqpis Diosmi kä.

13Makïwanmi kay patsata kamarqü.

Derëcha kaq maki paltäwanmi ciëlutapis midirqü.

Jutinpa qayaptïmi llapanpis yuriyarqan.

14<

Persia nacionpa mandaqnin rey Cirutam munanqäta rurananpä akrarqü.

Paymi yarpanqänö Babilonia nación runakunata ushakätsinqa.

Tsayta manam mayqan ïdulupis musyashqatsu ni willakushqatsu.

15<

Tsaymi llapanta rurananpä yanapashä.

16Tsay ninqäta wiyayänaykipä llapaykikuna witiyämuy.

Tsaynö päsananpä kaqtam unaypitana willarqü.

Rikaraykaptïmi llapanpis ninqänölla kanqa>>.

Tayta Dios tsaynö ninqanta willakunäpämi Espïritunta noqaman mandamushqa.

17Salvashuqniki kar Israel runakunapa santu Tayta Diosninmi niyäshunki:

< kä.

Noqam alli kaqkunata yachatsir munanqänö kawayänaykipä alli nänipa pushä.

18Mandamientükunata cäsurqa imaypis kushishqam kawayankiman karqan.

Alli kawayanqaykiqa imaypis mana tsakiq mayunömi kanman karqan.

Lamar laqchikar qatinayllaman aywaqnömi imaypis allillata rurayankiman karqan.

19Lamar kuchunchö arënanörämi qampita miraqkuna yupaytapis mana atipaypä kanman karqan.

Manam imaypis qamkunata ushakätsïmantsu karqan.

Ñöpäpitapis manam qarqümantsu karqan>>.

20¡Babiloniapita qeshpir aywakuyay!

¡Salvakuyanqaykita maytsaychöpis kushishqa willakuyay!

Willakur niyay:

<<¡Sirviqnin Jacobpita miraqkunatam Tayta Dios salvashqa!

21Desiertupa pushamuptinpis manam yakunäyarqantsu.

Mana yakunäyänanpämi qaqapita tsaytsika yakuta pashtatsimurqan>>.

22Tsaynö kaptinpis Tayta Diosmi nin:

<>.