Daniel 6 - Bible in Quechua of South Conchucos（qxo）

Leonkuna wichqaraykanqanman Danielta jitarpuyanqan

1 1 (2) Nacionnin alli mandashqa kananta munarmi rey Darío churarqan pachak ishkay chunka (120) mandar yanapaqninkunata.

2 2 (3) Mandar yanapaqninkunata controlayänanpänam kimsa ministrukunata churarqan. Tsay kimsanpitam juk ministru Daniel karqan. Tsay ministrukunam yanapaqnin runakunata imatapis rey ninqanta ruratsiyaq.

3 3 (4) Wakin ministrukunapitapis Daniel mas yachaq kaptinmi rey yarparqan llapan nacionta mandar yanapananpä.

4 4 (5) Tsayta musyaskirmi wakin ministrukuna y mandar yanapaqkuna Danielpa contran shäriyarqan. Tsaymi imallatapis jitapäyänanpä ima achäquillatapis ashiyarqan. Tsaynö kaptinpis Danielqa cäsukuq karmi imatapis llutanta rurarqantsu ni qelanarqantsu. Tsaymi imatapis jitapayta puëdiyarqantsu.

5 5 (6) Tsayta tantiyaskirmi niyarqan: <>.

6 6 (7) Tsaynö nirmi ministrukuna y mandar yanapaqkuna comisionta churayarqan reywan parlaq aywayänanpä. Chaykurmi niyarqan: <

7 7 (8) Llapä autoridäkuna qorikaskirmi willanakuyarqü juk leyta ruratsinaykipä. Pipis qamta adorashunaykipa rantin juk diosta o juk runata adoraptinqa leonkuna wichqaräyanqanman qaykushqa katsun. Tsay ley katsun kananpita kimsa chunka (30) junaqyaq.

8 8 (9) Tsay leyta qellqaskir willakatsiy llapanpis cäsukuyänanpä. Mandanqayki Media y Persia nacionkunapa leyninchö ninqannö tsay ruranqayki leyta manam pipis anulanqatsu ni trocatsinqatsu>>.

9 9 (10) Niyanqannöllam leyta qellqaskatsir rey Darío firmarqan.

10 10 (11) Tsay ley qellqatsinqanta musyaskirmi Danielqa pununqan cuartunman yaykuskir Jerusalén lädupa ventänata kicharqan. Tsaychömi qoyay qoyay mañakunqannö cada junaq kimsa kuti qonqurikuykur Tayta Diosta mañakur alabarqan.

11 11 (12) Tsay acusaq runakuna chaykurmi Tayta Diosta mañakuykaqta Danielta tariyarqan.

12 12 (13) Tsaynö tariykurmi reyman aywar niyarqan: <>.

Tsaymi rey nirqan: <>.

13 13 (14) Tsaynö niptinmi niyarqan: <>.

14 14 (15) Tsayta wiyaykurmi rey pasaypa mantsarir imaykanöpapis Danielta salvayta munar qoyat yarpachakurqan.

15 15 (16) Peru tsay runakuna yapay kutiykurmi reyta niyarqan: <>.

16 16 (17) Tsaynam leonkuna wichqaraykanqanman jitarpuyänanpä rey mandarqan. Danieltanam nirqan: <<¡Yärakunqayki Diosniki salvaykulläshuy!>>

17 17 (18) Jitarpurmi jatun rumiwan punkuta sigurayarqan. Danielta sentenciar cumpliyanqanta musyayänanpämi reypis y autoridäkunapis sëllayarqan.

18 18 (19) Tsaypita palaciunman rey kutiykurmi llakikuywan mikuytapis ni müsicatapis wiyaytapis munarqantsu. Yarpachakurmi ni punuytapis puëdirqantsu.

19 19 (20) Tsaka tsakallanam leonkuna wichqaräyanqanman rey empëñu aywarqan.

20 20 (21) Chaykurnam pasaypa llakishqa qayarqan: <>

21 21 (22) Qayaptinmi Daniel nimurqan: <<¡Qamlla imayyaqpis rey kaykullay!

22 22 (23) Jutsaynaq kanqäta musyarmi angelninta Tayta Diosnï mandamushqa leonkunapa shiminkunata tsapaptin mana mikuyämänanpä. Tayta rey, qampa contrayki manam imatapis rurarqütsu>>.

23 23 (24) Tsaymi pasaypa kushikur jinan höra leonkuna wichqaraykäyanqanpita Danielta jipitsimurqan. Jipiskamur rikayänanpäqa manam leonkuna ashpiyllapis ashpiyänätsu. Tayta Diosman yärakunqanpitam tsaynö sänu karqan.

24 24 (25) Tsaypitanam Danielpa contran shäriq runakunata, warminkunata y tsurinkunatapis leonkuna wichqaräyanqanman jitarpuyänanpä rey apatsimurqan. Jitarpuyaptin manaräpis patsaman chäyaptinmi leonkunaqa tsaripakuskir tullunkunatapis chipyaq kaptur ushayarqan.

25 25 (26) Tsaypitanam rey Darío juk leyta qellqaskir apatsirqan may markachö y may nacionchö täraqkunaman y ima idiömata parlaqkunamanpis. Tsay leychömi nirqan:

<

26 26 (27) Noqam kanan ordenä mandanqä llapan nacionkunachö Daniel adoranqan Diosta mantsapakur adorayänaykipä.

Paymi imayyaqpis kawaq Tayta Dios.

Mandaq kanqanqa manam imaypis ushakanqatsu.

Tsaynöllam poderösu kayninpis mana ushakaq kaykan.

27 27 (28) Paymi cuidamantsik y ima peligrupitapis salvamantsik.

Paymi ciëluchö espantaypä kaqkunatapis rikakätsimun.

Kay patsachöpis milagrukunatam ruran.

Paymi leonkunapitapis Danielta salvashqa>>.

28 28 (29) Tsaymi Persia nacionpa mandaqnin rey Darío mandanqan witsan y rey Ciro mandanqan witsan Daniel respitashqa karqan.