1Pasaypam kushikü <
2¡Jerusalén, punkuykipam yaykayämurqüna!
3Llapäkuna qorikäyänäpämi Jerusalén marka alli shäritsishqa kaykan.
4Jerusalénmanmi Israel runakuna trïbunpa trïbunpa witsäyämun.
Tayta Dios ordenanqannöllam alabayänanpä witsäyämun.
5Jerusalénchömi Davidpita miraq runakuna alli justiciata rurar mandayan.
6Jerusalénchö runakuna alli kawayänanpä Tayta Diosta mañakushun.
Jerusalén, kuyashuqnikikuna alli kawaykuyätsun.
7Murällayki rurinchö täraqkuna kushishqa kawaykuyällätsun.
Palaciuykichö täraqkunapis tranquïlu kawaykuyällätsun.
8Castäkuna y amïgükuna raykurmi nï:
<<¡Qam kaqchö täraqkuna llapanpis alli kawaykuyätsun!>>
9 Tayta Diosnintsikpa wayin raykurmi qamchö alli kawayänanpä imaypis mañakushä.
Who We AreWhat We EelieveWhat We Do
2025 by iamachristian.org,Inc All rights reserved.