1Tsaypitanam Job nirqan:
2<<Ñakanqäta y desgracia päsamanqanta qorirkur balanzawan pësaptïqa
3lamar kuchunchö arënapitapis masmi pësanman.
Tsaynö ñakar capazchi llutantapis parlaykurqü.
4Llapanpä poderyuq Tayta Dios ñakatsimanqanqa venënuyuq flëchawan tuksimanqannömi nanan.
Pasaypa mantsariypämi ñakaykä.
5< Mikunanpä kaptin törupis manam waqantsu. Tsaynöllam noqapis mana ñakarqa imatapis parlakümantsu. 6< 7Imaypis ñakayta mana munaykarmi kananqa qoyay qoyay ñakaykä. 8<<¡Ima allirä kanman mañakunqänö Tayta Dios ras ushakätsimaptin! 9¡Ima allirä kanman Tayta Dios ras illakätsimaptin! 10Pasaypa ñakarpis Tayta Dios ninqankunatam imaypis cäsurqü. Tsayllapitapis kushikümi. 11Ñakayta awantanäpä kallpäpis manam kantsu. ¿Imatanatä shuyäshäpis? 12Noqaqa manam qaqanötsu ni broncinötsu mana sientiq kä. 13Manam kallpäpis kantsu. Yanapamänanpä manam pipis kantsu. 14< 15Qamkunaqa amïgükuna kaykarpis kuyapäkuyta manam yachayankitsu. Raqrapa atska yaku yuriskamur raslla päsaqnömi kaykäyanki. 16Rashta tsulluptin bunyaypa bunyar yaku aywaqnömi 17y usya tiempuchö tsaki raqranömi kaykäyanki. 18Noqaqa desiertuchö yakuta ashir oqrakashqanömi kaykä. 19Temánpita y Sabápita aywaq negociantikuna desiertupa päsar yakuta ashiqnömi kaykä. 20Raqrachö yakuta mana tarirmi pasaypa llakikuyan. 21Tsaynöllam noqapis pasaypa llakikü mana animatsiyämaptiki. Ñakaykanqäta rikaykämar animatsiyämänaykipa rantinqa mantsakar manakaqkunatam parlapäyämarquyki. 22< Manam qellaywan yanapayämänaykipäpis rugarqütsu. 23Manam chikimaqnïkunapita salvayämänaykipäpis mañakurqätsu. Mana alli runakunapa poderninpita jipiyämänaykipäpis manam rugarqätsu. 24< Tantiyatsiyämaptikiqa upällallam kakushä. 25Jutsa ruranqäta niyämanqayki rasunpa kaptinqa penqakümanmi. Peru manakaqkunata niyämarmi sïqa rabyanätsiyämanki. 26Capazchi pasaypa ñakar llutantapis parlarqü. Llutanta parlashqa kaptïqa perdonaykayällämay. Perdonayämänaykipa rantinqa ¿imanirtä manakaqta niyämarquyki? 27Tsaynö kar qamkunaqa waktsata wanutsinanpä nirpis niyankimanmi. Kuyanakuyanqayki amïguykitapis jaqiskiyankimanmi. 28< 29Noqaqa manam jutsata rurarqütsu. ¿Imanirtä yarpäyanki jutsata ruranqäpita ñakaykanqäta? 30¿Llullakunqätaku yarpäyanki? ¿Imapis alli kanqanta o mana alli kanqanta manana tantiyanqätaku yarpäyanki?>>
Who We AreWhat We EelieveWhat We Do
2025 by iamachristian.org,Inc All rights reserved.
