1<<¡Allaw Ariel markallanay, marka!
¡Allaw! ¡Davidpa Markan Jerusalén, imanörä kanki!
Wata wata noqapä fiestakunata
2ruraptikipis desgraciatam chätsimushä.
Pasaypa waqarmi llakikunki.
Altarchö ashmakuna rupayanqannömi chipyaq rupanki.
3Qammanmi soldädukunata mandamushä jiruruypa tsapaskir atacayäshunaykipä.
Murällayki jananpa yaykayämunanpämi törrikunatapis shäritsiyanqa.
4Vinciyäshuptikim patsachö jitaranki.
Parlanqaykipis patsa rurinpitanömi wiyakanqa.
Jupay waqaykaqnöllam parlanqaykipis wiyakanqa.
5< Valienti kayaptinpis tsaki oqshata shukukuy apar ushakätsinqannömi ushakätsishä. 6Llapanta mandaq Tayta Dios karmi castiganäpä shamushä. Maqakuywan, temblorwan, räyuwan, shukukuy vientuwan, mangäda tamyawan y lunyaykaq ninawanmi chikishuqnikikunata ushakätsishä. 7< Atacayänanpä marka murällata juchutsiqkunapis sueñuychönöllam ushakäyanqa. 8Mallaqaykar punuq runa sueñuyninchö alli allillata mikuykarpis rikchaskamurqa jinalla mallaqaykaqnömi kayanqa. Yakunaykaq runa sueñuyninchö yakuta shumaq upurpis ajyashqa y kunkanpis tsakishqa rikchamunqannömi kayanqa. Tsaynömi kayanqa Sión jirkanta atacayänanpä maytsay nacionpita shamuq runakuna>>. 9Chikishuqnikikunata Tayta Dios tsaynö ushakätsinanpä kanqanta ¿manaku criyiyanki? Mana criyirmi qaprayashqanö kaykäyanki. Ima machätsikuqkunata mana upuykarpis imayka machashqanömi llutankunata yarpachakuykäyanki. 10Pasaypa mana tantiyakuq kayänaykipämi Tayta Dios permitishqa. Llulla profëtakunatapis llutanta willakuyänanpämi pantakätsishqa. 11Tayta Dios revelayäshunqayki willakuykuna sigurashqa librunö qamkunapä kaptinmi imatapis tantiyayankitsu. Liyiy yachaq runata liyipäshunaykipä niptikim tsay runa nishunki: < 12Tsaynöllam liyiyta mana yachaq runata liyipäshunaykipä niptikipis tsay runa nishunki: < 13Tayta Diosmi nin: < Shimillanwanmi cäsuyämänanpä niyäman. Shonqunkunachöqa juktam yarpäyan. 14Tsay runakuna tantiyakuyänanpämi milagrukunata yapay rurashä. Tsaynöpam yachaq runakunapa yarpayninkunatapis pantakätsishä. Tantiyakuqkunapis mana tantiyakuyänanpämi permitishä>>. 15¡Allaw qamkuna! ¡Imanörä kayanki, Tayta Diospita pakayllapa mana allikunata rurayänaykipä yarpaqkuna! Qamkunaqa yarpäyanki tsakayllapa willanakuptiki Tayta Dios mana musyananpä kanqantam. Tsaynöllam niyanki: < 16¡Tsaynö yarpar pasaypa llutantam yarpäyanki! Noqantsikqa Tayta Dios ruranqan mankanöllam kantsik. Manka ruraqnö karmi Tayta Dios noqantsikpita masta musyan. ¿Mankaqa ruraqninta ninmantsurä: < ¿Ruraqninta tsay mitu manka ninmantsurä: < 17Kananpita pöcu tiempullatanam Líbano muntipis muruna chakraman tikranqa. Muruna chakrakunanam jatusaq muntiman tikranqa. 18Tsay junaqmi Diospa willakuyninta mana wiyaq runakuna wiyayanqana. Qapranö kaqkunapis tsakäpakushqanö kayanqanpitam rikayanqana. 19 Tayta Dios yanapaptinmi humildikuna kushikuyanqa. Israel runakunapa santu Diosnin yanapaptinmi pobrikunapis kushishqa kawayanqa. 20Respëtuynaq runakunam llapan ushakäyanqa. Mana alli ruraqkunapis mananam kayanqanatsu. Llutan ruraykunallaman yarparaqkunapis llapanmi ushakäyanqa. 21Tsaynöllam runa mayinta tumpaqkunata, juezkunata llullapaqkunata y jutsaynaq runakunata manakaqta tumpaqkunatapis Tayta Dios ushakätsinqa. 22Tsaymi Jacobpita miraq runakunata Abrahamta jipimuq Tayta Dios nin: < Manam mantsakashqanatsu kaykäyanki. 23Tsurikikunata yanapanqäta rikarmi jutïta joqarir agradëcikayämanki. Santu Diosniki kanqäta tantiyarmi noqallatana respitayämanki. 24Mana cäsumaqkunam cäsuyämanqa. Conträ shäriqkunapis yachatsinqätam cäsuyämanqa>>.
Who We AreWhat We EelieveWhat We Do
2025 by iamachristian.org,Inc All rights reserved.
