Job 23 - Bible in Quechua of South Conchucos（qxo）

Job parlanqan

1Tsaynö niptinmi Job nirqan:

2<

Tayta Dios castigamaptinmi llakishqa kaykä.

3¡Imanöparä musyayküman Tayta Dios maychö kaykanqantapis!

Musyarqa imanöpapis tsayman chämanmi.

4Chaykurqa llapan yarpanqätachi nïman.

Tsaynöllam imanir ñakatsimanqantapis tapüman.

5Pay tantiyatsimaptinqa tantiyämanchi.

6Mantsaritsimänanpa rantinqa shumaqchi tantiyatsimanman.

7Jutsaynaq runataqa manam castiganmantsu.

Tsaymi noqatapis wiyamar nimanman.

8<

Rupay ullunan kaq lädupa aywarpis manam rikätsu.

9Norti kaq lädupa ni sur kaq lädupa ashirpis manam tarïtsu.

10Payqa maychö kaykanqäta y imata ruraykanqätapis musyanmi.

Qoripa qanranta ninawan tsullutsiypa jipiptin püru quëdanqannömi noqapis ñakaykunawan pruëbaman churamaptin jutsaynaq quëdashä.

11Noqaqa pay munanqannömi kawaykä.

Llapan yätsimanqantam cäsukuykä.

12Leyninkunataqa imaypis cumplirqümi.

Ninqankunataqa qoyay qoyaymi shonqüchö yarparaykä.

13<

Pay niptinqa manam pipis tsapata churapuntsu.

14Imanö kanäpäpis yarpanqannöchi permitinqa.

Munanqannöchi llapanpis kanqa.

15Paypa puntanchö karmi pasaypa mantsakä.

Tsaykunata yarparmi tsuktsukyä.

16Tayta Dios castigamaptinmi valornïpis kannatsu.

Llapanpä poderyuq Tayta Diosmi pasaypa mantsaritsiman.

17Ima allirä kanman paqas illakätsimaptin.

Ima allirä kanman pasaypa tsakay tsapaskamaptin.