Job 15 - Bible in Quechua of South Conchucos（qxo）

Elifaz yapay parlanqan

1Tsaypitanam Temán partipita shamuq Elifaz nirqan:

2<

Tsaynöqa shimisapa runallam parlan.

3¿Yachaq runaqa shimin tarinqanta parlanmantsurä?

Tsaynö parlanqayki ¿imapätä välin?

4Qamqa Tayta Diostapis manam mantsapakunkitsu.

Paytam manakaqman churaykanki.

5Shonquyki llutanta yarpanqanta parlarmi pitapis llutanta criyiykätsinki.

6Manam noqatsu qamta condenaykä, sinöqa kikikipa shimillaykim.

Contrallaykim llapantapis parlaykanki.

7<<¿Adánpitapis mas puntata yurinqaykitaku yarpanki?

¿Jirkakunapis manarä kaptin kanqaykitaku yarpanki?

8¿Tayta Diostapis tantiyatsinqaykitaku yarpanki?

¿Kay patsachö japallayki yachaq kanqaykitaku yarpanki?

9Manam noqakunapita mas yachaqtsu kanki.

Noqakunaqa llapan musyanqaykitam musyayä.

10Llapanta musyaq rukukunapis yarpäyanqänömi yarpäyan.

Papänikipitapis mas ruku karmi mas tantiyakuq kayan.

11<

Shumaq parlapaykäyaptïqa ¿imanirtä chaskikunkitsu?

12Chaskikunaykipa rantinqa ¿imanirtä yanayayparä rabyananki?

¿Imanirtä rabyanaptiki ñawikipis saltananrä?

13¿Imanirtä shimiki tarinqanta Tayta Diospa contran parlanki?

14<

Runaqa imaypis jutsayuqmi kantsik.

15Tayta Diosqa angelninkunamanpis manam yärakuntsu.

Paypäqa ciëlupis manam pürutsu.

16Tsaymi runakunamanqa peorrä yärakuntsu.

Runaqa jutsasapa karmi yakunaypanörä jutsa rurayllapä yarpan.

17<

Kaway vïdächö rikanqätam willashayki.

18Yachaq runakuna willayämaptinmi noqapis yachakurqü.

Tsay yachaq runakunaqa papäninkunapitam yachakuyarqan.

19Paykunapa papäninkunatam Tayta Dios entregarqan kay nacionta.

Tsay witsanqa llutan yachatsikuq jäpa runakuna kay nacionchö manam kayarqantsu.

20<

Paykunaqa manaräpis aykätam ushakäyan.

21Espantaypä kaqkunallatam wiyapakuyan.

Kushishqa kaykäyaptinmi suwakuna illaqpita shamur suwapuyan.

22Paqaspapis mantsa mantsallam puriyan.

Tsaynö karpis espädawan wanutsishqam kayanqa.

23Wanuskiptin wiskurkunam mikuyanqa.

Wanuypitaqa manam qeshpiyanqatsu.

24Pasaypa mantsarirmi llakikuyan.

Rey atacaptin mantsariqnömi mantsa mantsalla puriyan.

25<

26Paykunaqa escüdunwan tsapakuq allish chölunömi kaykäyan.

Kallpankunaman yärakurmi Tayta Diospa contran shäriyan.

27Tsay runakunapaqa cärankunapis wiswinrämi y pachankunapis liwaranrämi.

28<

Wayinkunapis tsunyaq raqällam quëdanqa.

29Mayjina alli kawayänanpä yarpachakurpis alli kawaytaqa manam tariyanqatsu.

Riquëzankunapis ushakanqam.

Chakrankunapis wallkallanam kanqa.

30<

Tsakishqa rämakunata nina rupar ushanqannömi Tayta Dios pükaskiptillan ushakäyanqa.

31Manakaqkunaman yärakur manam imatapis tariyanqatsu.

32Manarä höran chämuptinmi wanurnin imayka tsakishqa jachanö ushakäyanqa.

33Üva manarä poqur shushunqannö y olïvuspa waytan shushur ushakanqannömi ushakäyanqa.

34<

Sobornuta chaskipakuq runakunapataqa wayinkunatapis rupatsiyanqam.

35Tsay runakunaqa jutsata rurayänallanpämi yarpachakuyan.

Pitapis engañayänallanpämi yarpachakuyan>>.