1Kay listachömi qellqashqa kaykan Babiloniapita Jerusalénman shamuq cada castapa mandaqninpa jutinkuna. Paykunam noqawan shayämurqan Artajerjes rey kaykanqan witsan:
2Fineespita miraq Gersón;
Itamarpita miraq Daniel;
Davidpita miraq Hatús
3(Hatúsqa Secaníaspa tsurinmi karqan);
Paruspita miraq Zacarías (paywanmi pachak pitsqa chunka (150) runakuna padronakuskir shayämurqan);
4Pahat-moabpita miraq Zeraíaspa tsurin Elioenai (paywanmi ishkay pachak (200) runakuna shayämurqan);
5Zatupita miraq Jahazielpa tsurin Secanías (paywanmi kimsa pachak (300) runakuna shayämurqan);
6Adínpita miraq Jonatánpa tsurin Ebed (paywanmi pitsqa chunka (50) runakuna shayämurqan);
7Elampita miraq Atalíaspa tsurin Isaías (paywanmi qanchis chunka (70) runakuna shayämurqan);
8Sefatíaspita miraq Micaelpa tsurin Zebadías (paywanmi puwaq chunka (80) runakuna shayämurqan);
9Joabpita miraq Jehielpa tsurin Abdías (paywanmi ishkay pachak chunka puwaq (218) runakuna shayämurqan);
10Banípita miraq Josifíaspa tsurin Selomit (paywanmi pachak joqta chunka (160) runakuna shayämurqan);
11Bebaipita miraq Bebaipa tsurin Zacarías (paywanmi ishkay chunka puwaq (28) runakuna shayämurqan);
12Azgadpita miraq Hacatánpa tsurin Johanán (paywanmi pachak chunka (110) runakuna shayämurqan);
13Elifelet, Jeiel y Semaías (paykunaqa Adonicampita miraqkunam kayarqan. Tsay castachö paykuna mas jövinmi kayarqan. Paykunawanmi joqta chunka (60) runakuna shayämurqan);
14Utaiwan Zabud (paykunaqa Bigvaipita miraqkunam kayarqan. Paykunawanmi qanchis chunka (70) runakuna shayämurqan).
Jerusalénman aywayänanpä alistakuyanqan15Noqa Esdrasmi llapan tsay runakunata qorirqä Ahava markapa päsaq mayu kuchunman. Tsaychömi kimsa junaq llapäkuna qoyäyarqä. Sacerdötikunata y mana sacerdötikunata listata qayaptïmi levitakuna ni jukllayllapis kayarqantsu.
16Tsaymi qayatsirqä Eliezerta, Arielta, Semaíasta, Elnatánta, Jaribta, Elnatánta, Natánta, Zacaríasta y Mesulamta. Paykunaqa mayor runakunam kayarqan. Tsaynöllam qayatsirqä Joiaribta y Elnatánta. Paykunam leykunata yachatsiq runakuna kayarqan.
17Llapan tsay runakunatam Casifia markachö täraq mayor runa Idduwan parlayänanpä mandarqä. Iddo y castankunaqa templuchö sirviq levitakunam kayarqan.
Manarä mandarmi yätsirqä paykunata rugar niyänanpä: <
18Chaykur yätsinqänö rugaptinmi Serebíasta, tsurinkunata y wawqinkunata mandayämurqan. Paykunam chunka puwaq runakuna kayarqan. Serebíasqa imaykatapis yachaq runam kaykan. Payqa Levípa tsurin Mahli casta runam. Kuyapäkuq Tayta Diosnintsiktam agradëcikü tsaynö mandamunqanpita.
19Tsaynöllam Merari casta Hasabíasta y Jesaíasta mandayämurqan. Paykunam tsurinkunawan y wawqinkunawan ishkay chunka (20) runakuna kayarqan.
20Levitakunata templuchö yanapayänanpämi ishkay pachak ishkay chunka (220) runakunata mandayämurqan. Paykunapa unay castankunatam rey David y mandar yanapaqninkuna templuchö sirviyänanpä churayarqan. Tsay mandamunqan runakunatam padronayarqä.
21Tsaypitanam Ahava mayu kuchunchö llapan runakunata nirqä: < 22Suwakunapita cuidamänanpä soldäduntsikkunapis manam kantsu. Reytapis maynam nirqü: 23Israel mayïkunata tsaynö willaskirmi Tayta Diosnintsik tsapäyämänanpä ayunar payta mañakuyarqä. Tsaynö mañakuyaptïmi viäjichö shumaq yanapayämarqan. 24Tsaypitanam chunka ishkay mandaq sacerdötikunata akrarqä. Paykunam Serebías, Hasabías y chunka sacerdöti mayinkuna kayarqan. 25Paykunatam qellayta, qorita y manëjukunatapis pësaparqä. Tsaykunatam rey, yätsiqninkuna, mandar yanapaqninkuna y Babiloniachö täraq llapan Israel runakunapis Tayta Diosnintsikpa templunpä alistapäyämarqan. 26Pësapaptïmi karqan ishkay chunka waranqa chusku pachak pitsqa chunka (21,450) kïlu qellay y kimsa waranqa kimsa pachak (3,300) kïlu qori. Tsaynöllam karqan qellaypita rurashqa pachak (100) manëjukuna 27y qoripita rurashqa ishkay chunka (20) tazonkuna. Tsay tazonkunam puwaq kïlu pësarqan. Tsaynöllam karqan allin broncipita rurashqa kuyayllapä ishkay väsukuna. Tsay väsukunam qoripita rurashqanö chaniyuq karqan. 28Entregaskirnam tsay mandaq sacerdötikunata nirqä: < 29Mandaq sacerdötikunata, levitakunata y Israel autoridäkunata Jerusalénchö entregayänaykipä shumaq següru apayay. Paykunam pësaskir Jerusalén templuchö kaykaq depösituman churayanqa>>. 30Tsaynö nir entregaskiptïmi Tayta Diosnintsikpa templunman apayänanpä pësanqan qellayta, qorita y kuyayllapä kaqkunatapis sacerdötikuna y levitakuna chaskiyarqan. 31Punta kaq killa chunka ishkay junaqchömi Ahava mayu kuchunchö juntaraykäyanqäpita Jerusalénman shayämurqä. Shayämuptïmi Tayta Diosnintsik tsapäyämarqan chikimaqnïkunapita y asaltantikunapitapis. 32Jerusalénman chaykamurmi kimsa junaq jamayarqä. 33Chusku kaq junaqchönam apayämunqan qellayta, qorita y kuyayllapä kaqkunata Tayta Diosnintsikpa templunchö pësaskatsir Uríaspa tsurin sacerdöti Meremotta entregayarqan. Paywanmi kaykäyarqan Fineespa tsurin Eleazar, Josuépa tsurin Jozabad y Binúipa tsurin Noadías. Jozabad y Noadíasqa levitakunam kayarqan. 34Tsay junaqllam llapanta pësaskir yupayarqan. Tsaypitanam aykata chaskiyanqantapis acta libruman qellqayarqan. 35Tsaypitanam Jerusalénman noqawan shamuqkuna Israel runakunapa jutinchö sacrificiuta rupatsiyänanpä sacerdötikunaman entregayarqä chunka ishkay torïtukunata, isqun chunka joqta (96) carnërukunata y qanchis chunka qanchis (77) carnishkunata. Tsaynöllam purificatsina sacrificiupä chunka ishkay chïvukunata entregayarqä. Tsaykunatam Tayta Diosta adorar llapanta rupatsiyarqan. 36Tsaypitanam rey Artajerjes apatsimanqan cartata tsaychö täraq autoridäkunaman y gobernadorkunamanpis apatsirqä. Cartachö rey ordenanqannöllam runakunapä y Tayta Diospa templunpä imaykatapis alistapäyämarqan.
Who We AreWhat We EelieveWhat We Do
2025 by iamachristian.org,Inc All rights reserved.
