Isaías 47 - Bible in Quechua of South Conchucos（qxo）

Babilonia ushakänanpä ninqan

1Tayta Diosmi nin:

<Mananam pipis kuyayllapä kanqaykita niyäshunkinatsu.

2Sirviq warminöllana maraychö machkata aqakuy.

Shukutaraykanqayki jakuykita jipiyna.

Chankaykikuna rikakanqanyaq träjikita qarirkur mayukunatapis päsay.

3Mama wachaylla kaptikim penqaynikita pïmaypis rikanqa.

Mana allita ruranqaykipita castigaptï manam pipis salvashunkitsu>>.

4Tsaynömi nin Israel runakunapa santu Tayta Diosnin.

Paymi salvamaqnintsik.

Paypa jutinmi llapanta mandaq Yahweh.

5<

Mananam pipis nishunkinatsu.

6<

Castiganaykipä niptïmi pasaypa ñakatsirquyki.

Rukukunatapis lasaq yüguta matankätsiqnömi mana kuyapaypa ñakatsirquyki.

7Imayyaqpis reinalla kanaykipä kanqanta yarparmi llutanta ruraykanqaykitapis tantiyarquykitsu.

Ushakänaykipä kaqta manam imaypis yarparquykitsu.

8<

Trönunchö mana yarpachakuypa jamaraq warminö karmi shonqullaykichö ninki:

Manam imaypis viüdayäshätsu ni wamraynaqpis kashätsu>.

9Tsaynö nirpis illaqpitam juk junaqllachö viüdapis y wamraynaqpis quëdanki.

Tsay junaq manam brüjuykikuna ni suerti qatiqnikikunapis ima ruraytapis puëdiyanqatsu.

10<

Yachaq kanqaykita yarparmi mana allikunata rurarquyki.

Shonquykichömi nirqayki pipis qamnö mana kanqanta.

11Tsaynö niptikipis illaqpitam desgracia päsashunki.

Tsaypita manam imanö salvakuytapis puëdinkitsu.

Tsay desgracia shamuptinmi chipyaq ushakanki.

12<

Brüju kayta sïguir mä pillataqa mantsaritsinkikush.

13Yätsishuqnikikuna yätsishunqaykitapis ajayarquykinam.

Cada killa imanö kayänaykipä kaqta willayäshunaykipä qoyllur estudiaqkunapis manam kayannatsu.

Kanan mä salvayäshunaykipä shayämutsun.

14<

Tsaynö yarpaptikipis manam tsaynötsu kanqa, sinöqa nina ushananpä oqshanöllam kayan.

Tsaymi Tayta Diospa castïgunpita imanöpapis qeshpiyta puëdiyanqatsu.

15Wamra kanqaykipita suertita qatitsikunqayki brüjuykikunapis ushakäyanqam.

Kawaq kaqkuna qeshpir aywakuyaptin manam pipis salvashunaykipä kanqanatsu>>.