Isaías 42 - Bible in Quechua of South Conchucos（qxo）

Sirviqninpä Tayta Dios ninqan

1Tayta Diosmi nin:

<

Paytaqa noqam yanapaykä.

Payta noqam akrarqü.

Paypitam kushikü.

Espïritütam payman mandamurqü.

Paymi maytsay nación runakuna alli kawayänanpä shumaq rikanqa.

2<

Cällikunachöpis manam abusar purinqatsu.

3Tsillishqa carrïzutapis manam pakinqatsu.

Upinaykaq aktsitapis manam upitsinqatsu.

Payqa llapantapis allim juzganqa.

4<

Tsayta manarä yachatsirqa manam jamaytapis tarinqatsu.

Karu nacionchö täraqkunapis pay yachatsinqantam wiyayta munayanqa>>.

5Tayta Diosmi ciëluta kamaskir qoyllurkunata entëruman mashtamurqan.

Paymi kay patsata y kay patsachö wayuqkunatapis kamarqan.

Paymi runakunatapis kawayta qaran.

Paymi sirviqninta nin:

6<

Makipita janchashqa puritsirmi llapanchöpis yanapashayki.

Qamtam churashayki Israel runakunawan pactu ruranqäta cumplinaykipä.

Tsaynöllam churashayki maytsay nacionkunapä aktsi kanaykipä,

7qaprakunata allïtsinaykipä,

prësukunata carcelpita jipimunaykipä

y tsakäpakushqanö kawaqkunata aktsiman jipinaykipä.

8<.

Noqallata runakuna adorayämänantam munä.

Manam ima ïdulutapis adorayänanta munätsu.

9Ñöpata willakatsinqänöllam llapanpis kashqa.

Kananqa yapaymi imapis kananpä kaqkunata willakaykätsï.

Pipis manarä musyaptinmi qamkunata musyaykätsï>>.

Salvakuq kanqanpita Tayta Diosta alabanqan

10Mushuq cantuwan Tayta Diosta alabayay.

Mayjina karuchö täraqkunapis payta alabayätsun.

Lamar jananpa büquiwan päsaqkunapis alabayätsun.

Lamar rurinchö kawaqkunapis alabayätsun.

Costachö täraqkunapis alabayätsun.

11Desiertuchö kaykaq markakunapis alabayätsun.

Cedar runakunapis alabayätsun.

Sela markachö täraq runakunapis alabayätsun.

Jirka puntanman witsarkur maytsayman wiyakänanpä alabayätsun.

Kushikur alabayätsun.

12Costa markakunachöpis Tayta Diosta alabayätsun.

13 Tayta Diosqa valienti soldädunömi guërrata rurananpä shamunqa.

Qayaykachar atacarmi contrankunata ushakätsinqa.

14Tayta Diosmi nin:

<

Chikiqninkuna ñakatsiyaptin mañakayämaptinpis manam imatapis nirqütsu.

Peru kananmi sïqa kuyanqä runakunata contrankunapita salvashä.

Qeshyakuq warmi qayaranqannömi qayaräshä.

15Paykunata salvar nacionninman kutitsinäpämi jirkakunatapis jirkankunatapis ushakätsishä.

Tsaychö wiñaq qorakunatapis llapantam tsakitsishä.

Mayukunatapis desiertumanmi tikratsishä.

Qochakunatapis tsaki allpamanmi tikratsishä.

16<

Imaypis mana puriyanqan nänipam puritsishä.

Paykuna aywayänanpämi paqastapis atsikyaqman tikratsishä.

Mana alli nänitapis shumaqmi allitsashä.

Tsaykunata rasunpam rurashä.

17<

Ïdulukuna diosnin kanqanta yarparpis pasaypa penqakurmi aywakuyanqa.Israel runakuna mana tantiyakuq kayanqan

18<

Upanö karpis ninqäta cäsukuyay.

Qapranö karpis shumaq rikayay.

19Sirvimaqnï karpis qamkunaqa qaprapitapis mas qapram kayanki.

Willakuqnï karpis qamkunaqa upapitapis mas upam kayanki.

20Ima päsanqanta rikarpis manam yarpachakuyankitsu.

Ima ninqäta wiyaykarpis manam tantiyayankitsu>>.

21Salvakuq karmi Tayta Dios munan kuyanqan runakuna leyninkunata shumaq yachakur cäsuyänanta.

22Tsaynö kaptinpis manam cäsuyashqatsu.

Tsaymi Tayta Dios castigar chikiqnin runakunata mandarqan paykunata suwapuyänanpä.

Kananqa contrankunata mantsarmi machaykunaman pakakuyan.

Wakinnam calapösuchö wichqaräyan.

Prësu apayaptin manam pipis kashqatsu washänanpä.

Llapan imaykanta apayaptinpis manam pipis kashqatsu qechur yanapananpä.

23Tsaynö kaykaptinpis ¿mayqallaykiqa imapita ñakayanqaykita tantiyakuyankitsurä?

Waray warantinkuna ima päsananpä kanqanta tantiyakur ¿mayqallaykiqa wiyakuyankitsurä?

24¿Pitä permitishqa chikimaqnintsikkuna vincimarnintsik imaykantsikkunatapis apayänanpä?

Tsaynö päsamänantsikpä Tayta Diosmi permitishqa.

Jutsata rurarmi payta rabyatsirquntsik.

Yätsinqankunatapis mandamientunkunatapis mana cäsuypam kawarquntsik.

25Tsaymi pasaypa rabyar soldädukunata Tayta Dios mandamushqa atacamänantsikpä.

Tsay soldädukuna ninata tsariskatsiyaptinmi imaykatapis rupar ushashqa.

Tsaynö kaptinpis manam tantiyarquntsiktsu.

Nina ushamashqapis manam cäsukurquntsiktsu.