Proverbios 9 - Bible in Quechua of South Conchucos（qxo）

Fiestaman qayatsiq warmiman yachaq kayta iwalatsinqan

1Yachayshi wayinta alli shäritsinä.

Alli tsaränanpäshi qanchis paradorkunata llaqllaykur jawitsinä.

2Wayi ushayta rurananpäshi ashmakunata pishtaskir alli allita kusinatsinä.

Tsaynöllash alli vïnuta ruraskir mikuynintinta mësaman sirvitsinä.

3Sirviskirnash sirviqninkunata mandanä marka janaläninman aywaykur qayakuyänanpä.

4Qayakurshi niyänä: <<¡Mana tantiyakuq jövinkuna jipashkuna!

¡Fiestaman shayämuy!>>

Mana yarpachakuqkunatapis qayarshi niyänä:

5<

6Mana alli ruraykunata dëjayay.

Dëjarqa allim kawayanki.

Yachaq runanö shumaq kawayay>>.

Yachaq y mana yachaq runa imanö kanqanpis

7Shimisapa runaqa corrigiptikipis ashllishunkim.

Llutanta ruranqanta niptikipis ollqutupäshunkim.

8Mana respitakuq runaqa corrigiptikipis chikishunkim.

Peru yachaq runam sïqa corrigiptikipis kuyashunki.

9Yachaq runaqa tantiyatsiptiki masmi tantiyakunqa.

Alli runaqa yachatsiptiki masmi yachakunqa.

10Yachaq kaytaqa qallaykunki Tayta Diosta mantsapakurmi.

Santu Tayta Diosta reqiqkunaqa tantiyakuqmi kayan.

11Tantiyakuq karqa atska watam kawanki.

12Yachaq karqa mas tantiyaqmi kanki.

Mana cäsukuq karqa mana alli rikashqam kanki.

Mana yachaq kayta juiciuynaq warmiman iwalatsinqan

13Mana yachaq kayqa wasarima mana yarpachakuq y mana penqakuq warminömi.

14Wayi punkunman o marka janaläninman karpis jamakun

15tsaypa päsaq alli kawaqkunata inkitar ninanpämi:

16<<¡Mana tantiyaq jövinkuna y jipashkuna!

¡Kayman shayämuy!>>

Tsaynöllam mana yarpachakuqkunatapis qayar nin:

17<

Mikuypis pakayllapa mikushqaqa masmi gustakun>>.

18Tsaynö ninqanta cäsuqkunaqa manam musyayantsu wanuyänanpä kanqanta.