1Kaychömi filisteo runakunapä profëta Jeremíaswan Tayta Dios willakatsinqan qellqashqa kaykan. Tsay witsan Gaza markata manarämi Faraón atacarqanrätsu.
2<
Mayu atskayar entëru pampapa qochanqannömi norti kaq lädupita soldädukuna shayämunqa.
Shamurmi entëru Filistea nacionchö kaq markakunaman juntayanqa.
Tsayta rikarmi tsaychö täraq runakuna pasaypa mantsarir maytsaychö waqayanqa.
3Caballunkuna patatarrä cörriyanqan, carrëtakuna taqräräyanqan y ruëdankuna aywayanqanpis mantsariypämi wiyakämunqa.
Tsayta wiyarmi runakuna valornin mana kaptin tsurinkunatapis dëjaskir qeshpiyanqa.
4< Tiro runakunatawan Sidón runakunata yanapaq nacionkunata llapantam ushakätsishä. Paykunata ushakätsishä wakin yanapaqnin nacionkunata ushakätsinqänömi. Caftor islapita shamuq filisteo runakunata noqam ushakätsishä. 5Gaza markachö täraq runakuna pasaypa llakikurmi aqtsankunatapis rutukuyanqa. Ascalón markachö täraq runakunapis upayashqanömi kayanqa. Tsaychö täraqkunam wanuqkunapä llakikur qarankunatapis roqukuyanqa. 6< <¡Tayta Diospa espädan! ¡Imayyaqrä wanutsiyämanki! ¡Imayrä jamanki! ¡Churaräkunaykiman kutikuyna!> 7< Noqa Tayta Diosmi espädäta mandamurqü Ascalón markata y costachö markakunatapis ushakätsinanpä. Tsaychö runakunata ushakätsinanpämi destinarqä>>.
Who We AreWhat We EelieveWhat We Do
2025 by iamachristian.org,Inc All rights reserved.
