Nehemías 1 - Bible in Quechua of South Conchucos（qxo）

Jerusalénpä Tayta Diosta Nehemías mañakunqan

1Kay libruchömi Hacalíaspa tsurin Nehemías ruranqankuna qellqashqa kaykan.

Artajerjes ishkay chunka (20) watana Persia nacionpa mandaqnin rey kaykaptinmi Quisleu killachö noqa Nehemías Susa markachö kaykarqä.

2Tsaychö kaykaptïmi Judápita shamuq runakunawan wawqï Hanani watukamaq chämurqan. Paykunatam tapurqä Jerusalén marka imanö kaykanqanta y Judáchö quëdamuq runakuna imanö kaykäyanqantapis.

3Tsaymi niyämarqan: <>.

4Tsaynö willayämaptinmi jamaykur pasaypa waqarqä. Tsaynöllam atska junaq llakishqa qoyar ciëluchö kaykaq Tayta Diosta mañakur ayunarqä.

5Mañakurmi nirqä:

< llapanpä poderyuq y mantsaypämi kanki. Pactuta rurar awninqaykinöllam kuyashuqnikikunata y mandamientuyki cumpliqkunata imaypis kuyanki.

6Sirvishuqniki Israel runakunapä paqaspa junaqpa mañakamunqäta wiyaykallämay. Mana cäsukuypam Israel mayïkuna jutsata rurayashqa. Tsaynöllam castäkunapis y noqapis jutsata rurarqü.

7Qamta mana cäsurmi llutanta rurayarqü. Manam cumpliyarqütsu sirvishuqniki Moiséswan willatsiyämanqayki mandamientuykikunata, estatütuykikunata y leynikikunata.

8Moisésta ninqaykita yarpaykullay. Paytam nirqayki:

9Peru yapay cäsumar mandamientükunata cumpliyaptikiqa maytsaychö mashtakashqa kayaptikipis täränäpä akranqä patsamanmi qoriyämushayki>.

10<

11Tayta Dios, rugamunqäta wiyaykallämay. Sirviqniki karmi jutikita joqarir qamta alabayä. Tsaynölla reyta tantiyaykatsillay rugaptï yanapaykamänanpä>>.

Tsay witsan noqaqa rey Artajerjespa vïnu sirviqninmi karqä.