1¡Tayta Diosmi mandamaqnintsik rey!
¡Kay patsachö täraqkuna, kushikuyay!
¡Maytsay islachö täraqkunapis, kushikuyay!
2Paypa lädunkunachöqa yana pukutaymi kaykan.
Alli mandakuq karmi pipapis favornin mana shäriypa juzgan.
3Puntantam lunyaypa lunyar nina aywan.
Tsay ninawanmi chikiqninkunata ushakätsin.
4Illaqukuyninpis entëru kay patsamanmi atsikyämun.
Tsayta rikarmi kay patsa pasaypa tsuktsukyan.
5 Tayta Diosmi entëru kay patsapa duëñun.
Paypa lädunchöqa jirkakunapis cëranömi tsulluyan.
6Ciëlupis Tayta Dios alli ruraq kanqantam willakun.
Maytsay nacionchö täraq runakunapis poderyuq kanqantam rikayan.
7Llapan dioskunapisSal. 96.5. Tayta Diospa puntanmanmi qonqurikuyan.
Tsaymi ïdulukunata adoraqkuna penqakushqa quëdayanqa.
Ïdulukunata adorar allish tukuqkunaqa llapanmi penqakuyanqa.
8 Tayta Dios, qammi runakunata shumaq juzganki.
Tsaymi Siónchö täraqkuna pasaypa kushikuyan.
Entëru Judáchö täraq runakunapis pasaypam kushikuyan.
9 Tayta Dios, entëru kay patsachö kaqkunapäpis poderyuqmi kanki.
Llapan dioskunapitapis mas poderyuqmi kanki.
10Jutsa rurayta mantsapakuqkunatam Tayta Dios kuyan.
Payman yärakuqkunatam cuidan.
Mana alli ruraq runakunapa makinpitam salvan.
11Tsaymi alli runakuna kawanqanqa aktsinö kaykan.
Tayta Dios munanqannö kawaq runakunaqa kushikuyanmi.
12Alli ruraq runakuna, Tayta Diospa makinchö kayanqaykipita kushikuyay.
Paypa jutinchö alabayay.
Who We AreWhat We EelieveWhat We Do
2025 by iamachristian.org,Inc All rights reserved.
