1Jesucristo libramashqam Moisés qellqanqan leykunapa poderninchö kanqantsikpita librina kaykantsik.
17Llutan yarpaykunaqa Espíritu Santupa contranmi y Espíritu Santunam llutan ruraykunapa contran. Tsaymi ishkan contranakuyaptin allita rurayta munarpis puëdiyankitsu.
19Llutan yarpaykunata cäsuqkunaqa fornicación jutsata rurayan, melanaypä kaqkunata rurayan, achachäpakushqa kar penqakuypä jutsata rurayan,
20ïdulukunata adorayan, runa mayinta brüjutsiyan, runa mayinta chikiyan, rimanakuyan, cëlanakuyan, imallapitapis rabyakuyan, contranakuyan, qarqunakuyan, qallayätsinakuyan,
21envidiösu kayan, upyallachö kakuyan, machaskir llutankunata rurayan y tsaynöllam mastapis rurayan. Ñöpata ninqänöllam kananpis nï: Tsaynö kawaqkunaqa Tayta Diospa mandakuyninman manam chäyanqatsu.
22Peru Espíritu Santupa poderninchö kawarmi sïqa kuyanakuntsik, kushikuntsik, alli kawantsik, pacienciakuntsik, qollmi shonqu kantsik, yanapakuq kantsik, awninqantsikta cumplintsik,
23humildi kantsik y allita ruranantsikpä tantiyakuntsik. Tsaynö kawarqa manam ima leytapis manakaqman churantsiktsu.
24Jesucristupana karmi unay kawaynintsikta cruzchö wanutsishqana kaykantsik.Mar. 8.34; Rom. 6.3-14; Gál. 2.20; 6.14. Tsaymi jutsa ruraykuna yarpaynintsikman shamuptinpis cäsuntsiknatsu.
25Espíritu Santupa poderninchö kaykarqa pay tantiyatsimanqantsiknö kawashun.
26Tsaynö kawaykarqa pitapis rabyanätsir ama runa tukushuntsu ni envidiösu kashuntsu.
Who We AreWhat We EelieveWhat We Do
2025 by iamachristian.org,Inc All rights reserved.
